වයස අවුරුදු 100 ඉක්මවු අඩු ආදායම් ලාභී වැඩිහිටියන්ට එක් අයකුට රුපියල් 5000ක් බැගින් මාසික දීමනාවක් ලබා දීමට රජය සැරසෙයි.
මේ සඳහා සමාජ සවිබල ගැන්වීම්ල සුබසාධන හා කන්ද උඩරට උරුමය පිළිබඳ අමාත්‍ය එස්ග බීගදිසානායක මහතා විසින් ඉදිරිපත් කොට තිබූ යෝජනාවකට අමාත්‍ය මණ්ඩලයේ අනුමැතිය හිමි වූ බව සම කැබිනට් ප්‍රකාශක අමාත්‍ය ගයන්ත කරුණාතිලක මහතා පැවැසීය
වයස අවුරුදු 100 ඉක්මවූ වයෝවෘද්ධ වැඩිහිටියන් 350ක් පමණ මෙරට ජීවත් වන බවත් ඔවුන්ගේ ජීවිත සුරක්ෂිතතාව තහවුරු කිරීමේ අරමුණින් මෙ දීමනාව ලබා දෙන බවත් ඒ මහතා පැවැසුවේ කැබිනට් තීරණ දැනුම් දීම සඳහා අද:8- පැවැති මාධ්‍යහමුවේදිය.
මෙවැනි වැඩිහිටි ජනගහනයක් රටක සිටීම එරටේ සෞඛ්‍ය ක්ෂේත්‍රයේ සංවර්ධනය පිළිබිඹු කරන මිණුම් දණ්ඩක් ලෙස සැලකිය හැකි බව ද අමාත්‍යවරයා සඳහන් කළේය.
sinhala.news.lk
