උසස් පෙළ පන්ති වලට ළමුන් ඇතුළත් වීමේදී නැවතත් දෙමව්පියන්ගෙන් පාසලට ආධාර
මුදලක් ලබාගැනීම සිදුකරන බව දැනට කාලයක සිට දෙමාපියන්ගෙන් වාර්තා වේ. පිටතින් සිට උසස් පෙළ කිරීම සදහා පාසලට ඇතුළත් වන දරුවන් මෙන්ම එම පාසලේම සාමාන්‍ය පෙළ
සමත් වූ දරුවන්ගෙන් ද මෙම ආධාර මුදල් ලබාගන්නා බව මේ දිනවල උසස් පෙළ සදහා පාසල් වලට දරුවන් පාසල් වලට දරුවන් ඇතුළත් කරන දෙමාපියන් පවසති.
උසස් පෙළ පන්ති වලට ළමුන් ඇතුළත් කර ගැනීමට පෙර සිසු සිසුවියන් හා දෙමාපියන්
පාසල් වලට කැදවා රැස්වීම් හා සම්මුඛ සාකච්ඡා පවත්වන අතර පන්ති ආරම්භයේදී බැඡ් හා ටයි පටිවලට හා වෙනත් අවශ්‍ය මූලික දේ සදහා මුදල් අය කරනු ලබයි. එයට අමතරව පහසුකම් ගාස්තුද ගෙවිය යුතුය. මෙම අධාර මුදල ඉල්ලනු ලබන්නේ පාසලේ සංවර්ධන කටයුතු
සදහායි. නමුත් දෙමාපියන් දරුවන් මුලින්ම පාසලට ඇතුළත් කිරීමේදී ද පාසල් වලට මුදල් දිය යුතු අතර මේ අකාරයට දෙවන වතාවටත් අධාර මුදල් ලබාදීමට සිදුවීම ඔවුන්ගේ ජීවන
වියදමට දරන්නට නොහැකි තත්ත්වයකි. මෙලෙස අධාර මුදල් ලබාගැනීම කිසිදු චක්‍රෙල්ඛනයකින් අනුමත කර නොමැති වුවත් මෙය පාසල් තුළ සංවර්ධන සමිති හරහා
සිදුවන මුදල් ගසා කෑමේ එක්තරා ව්‍යාපාරයකි. මේ තත්ත්වය ලංකාවේ සියලූම පාසල් වල
මෙන්ම මීගමුවේ බහුතරයක් පාසල් වලද ක්‍රියාත්මක වේ. මේ සම්බන්ධයෙන් කිසිදු දෙමපා පියෙක් අදාළ ආයතන වෙත පැමිණිලි කිරීමට මැලි වන්නේ දරුවන්ට පාසල තුළදී
යම් අසාධාරණයක් සිදුවේවි යන බිය නිසාය. පාසල් වේලාව තුළදී දරුවාගේ අධ්‍යාපනයට
අවශ්‍ය සියලූම උපකරන සදහා ද ළමුන්ගෙන් මුදල් අයකිරීමට අවශ්‍යතාවයක් නැත. ඒ සදහාද
අවශ්‍ය ප්‍රතිපාදන පාසල් වෙලට වෙන්වී ඇත. නමුත් අපට නිරන්තරයෙන් අසන්නට ලැබෙන්නේ
හැම දේටම මුදල් රැගෙන එන ලෙස දෙමව්පියන් වෙත ලැබෙන රිසිට්පත් පිලිබදවය. මේ අකාරයට බැලූ විට නිදහස් අධ්‍යාපනයක් අද විහිලු සහගත තත්ත්වයකි.