මීගමුව කච්චේරිය අසල අනවසර වෙළඳසැල් දමා සෙරෙප්පු සහ සපත්තු වැනි දෑ වෙළඳාම් කරන බව අපට වාර්තා වේග නගරයේ පවතින ගැටළු අතර පදික වේදිකාවල කරන වෙළඳාම් නිසා ඇතිවන තදබදය සහ ඉන් ජනතාව අත්විදින පීඩාව ගැන අප 2017 දෙසැම්බර් මාසයේ සිට වගකිවයුතු නිලධාරීන්ගේ අවධානයට යොමු කළෙමු.
නමුත් තවමත් තත්වය වෙනස්වී නැත. මේ සම්බන්ධව නොයෙක් දෙනා අපට දුරකථනයෙන් කථාකරන අතර ඊට විසඳුමක් බලාපොරොත්තුවෙන් සිටිති. ඒනිසා අප මේ පිළිබඳව මීගමුව නාගරික කොමසාරිස් වරයාගෙන් විමසා සිටියෙමු. මෙහිදී ඹහු ප්‍රකාශ කළේ මීගමුව කෙලින් වීදියේ ඇති අනවසර කඩ සම්බන්ධව තමන්ට පැමිණිල්ලක් නොලැබුනු නිසා ඊට අවධානය නොදුන් බවයි.
කෙසේ වුවත් මෙම වෙළඳසැල් නීති විරෝධි සහ මාර්ග තදබදයට හේතුවක් බව ජනතාවගේ චෝදනාවයි. මේ සම්බන්ධයෙන් ගතයුතු පියවර සදහා නැවතත් කොමසාරිස්වරයාගේ අවධානයට මෙම ගැටළුව යොමුකර සිටිමු.