(4.00pm)මීගමුව ආර්පිකෝ ආයතනය අසල විසල් ගස කපා දැමින. ඒ ගැන බලධරයෝ විවිධ තර්ක ගෙන හැරපෑහ. ඕනෑම ජරාවැඩක් සදහා ඕනෑම කෙනෙක් නතු කරගැනීමට ප්‍රග්ධනයට හැකිබව මේ විසල් ගස අපට පෙන්වා දුන්හ. එක් පැත්තක Baby Kingdom ආයතනයත් අනෙක් පසින් ARPICO ආයතනයත් මැදින් මහ උජාරුවට පාරේ යනඑන මිනිසුන්ට සෙවන දෙමින් සිටි ගස කපාදැමීමේදී ප්‍රාදේශීය ලේකම් වරයා කිසිවක් නොදැන සිටි බව ප්‍රකාශ කරන ලදී. මාර්ග සංවර්ධනයෙන් කීවේ පැමිණිළි කිහිපයක් නිසා මේ තීරණය ගත් බවත් ගස කැපුවේ පොලීසියේද ආරක්ෂාව ඇතිව බවයි. ඉහතකී ආයතන දෙකේ ප්‍රාග්ධනය මේ බිම් කොටස් වල ගස් තිබෙනවාට කැමැත්තක් නොදක්වයි. මේ ගස කැපූ පසු එහි මුල දළුලමින් තවත් ගසක් දීමට සූදානම් වනු දුටු ගස් පාළුවෝ ඒ දළුද කඩාදමා ඉනුත් නොනැවතී මුලද උදුරා දමන ලදී. දැන් ඇත්තේ පස්ගොඩකි. දැනටමත් Baby Kingdom ආයතනය සහ වෙනත් ව්‍යාපාරිකයන් විසින් ගස තිබුනු බිම් කොටස භාවිතයට ගන්නා ආකාරයෙන් මෙහි සිදුවන්නේ කුමක්දැයි අපට වටහා ගතහැක.
පැරැන්නෝ සිටවූ ගස් කපා දැමීමට උනන්දුවන මේ කිසිවෙක් එක ගසක්වත් සිටවූයේදැයි? ඇසිය යුතුව ඇති නමුත් අපිදන්නා ඉතිහාසයේ එවැන්නක් සිදුවී නැත. ඉතා සූක්ෂ්ම අන්දමින් ගස් පාළුවන් විසින් මෙවැනි විශාල ගස් කපනවිට මේ දක්වා ඒවාට එරෙහිව කිසිවක් කිරීමට කිසිවෙකු සමත්වී නැත. නමුත් මේ සියළු දෙනාම පරිසර හිතවාදීන් මෙන් පෙනී සිටින අවස්ථා බොහෝය. නමුත් සියළු පරිසර හිතවාදීන් සිටියදී මීගමු නගරයේ පරිසරය රැකෙන සේ පිහිටා ඇති ගස් කැපී යාම වලක්වා ගතනොහැකි වූ බවද පැහැදිළි සත්‍යකි. ඉදිරියේ දී හෝ මෙවැනි දේ වලක්වා ගැනීමට නම් අවධියෙන් සිටින ලෙස මීගමු පුරවැසියන්ට අපි අවධාරණය කරමු.
http://www.meepura.com/2018/03/31/%e0%b6%b8%e0%b7%93%e0%b6%9c%e0%b6%b8%e0%b7%94%e0%b7%80%e0%b7%9a-%e0%b6%b8%e0%b7%8f%e0%b6%bb%e0%b6%9c%e0%b7%83%e0%b7%8a-%e0%b7%80%e0%b6%bd%e0%b6%a7-%e0%b6%b8%e0%b7%8f%e0%b6%bb-%e0%b6%85/
http://www.meepura.com/2018/03/14/%e0%b6%b8%e0%b7%93%e0%b6%9c%e0%b6%b8%e0%b7%94%e0%b7%80%e0%b6%a7-%e0%b6%ad%e0%b7%80%e0%b6%ad%e0%b7%8a-%e0%b6%9c%e0%b7%83%e0%b6%9a%e0%b7%8a-%e0%b6%85%e0%b7%84%e0%b7%92%e0%b6%b8%e0%b7%92-%e0%b7%80/
http://www.meepura.com/2018/04/10/%e0%b6%9a%e0%b7%90%e0%b6%b4%e0%b7%94%e0%b7%80%e0%b6%ad%e0%b7%8a-%e0%b6%af%e0%b7%85%e0%b7%94%e0%b6%bd%e0%b6%b1-%e0%b6%b8%e0%b7%8f%e0%b6%bb%e0%b6%9c%e0%b7%83/
