2002 වසරේ මනුස්ස ඝාතනයක් සිදුකිරිමට අදාලව පැවති නඩු විභාගයකදි උසාවිය මගහැරයාම හේතුකොට වරෙන්තු නිකුත්කර තිබිම හේතුවෙන් හිටපු නි.ඇමති සරත් ගුණරත්න මහතා අද උදෑසන මීගමුව පොලිසියට භාරවිමෙන් අනතුරුව උසාවියට ඉදිරිපත් කෙරුණ අතර නොවැම්බර් 01 දා දක්වා රක්ෂිත බන්ධනාගාර ගත කිරිමට අද උසාවිය නියෝග කර තිබුණි
2002 වසරේ දි එජාප පළාත් සභා මන්ත්‍රිවරයෙකු වු ඕලිත ප්‍රේමරත්නගේ ආධාරකරුවන් පිරිසක් අතර මීගමුව ශා.ජෝශප් විදියේදි ඇතිවු ගැටුමකදි සරත් ගුණරත්නමහතා ගිය වාහනයට එක් අයෙකු යටවිම හේතුවෙන් මරණයට පත්ව තිබුණි.
එජාප පෙළපාලිකරුවන් රනිල් වික්‍රමසිංහ පැමිණි රැස්විමක් සදහා මිගමුව නගරයට යමින් තිබියදි මෙම ගැටුම ඇතිව තිබුණි.
හිටපු ඇමතිවරයාගේ දේශපාලන මිතුරන් රැසක් අද දින උසාවි භුමියට පැමිණ සිටි අතර මේ අය අතර සරත් ගුණරත්න ඇමතිවරයාගේ කලක ප්‍රධාන දේශපාලන එදිරිවාදියෙකුව සිට නි.ඇමති නිමල් ලංසාද විය.
එමෙන්ම හිටපු නගරාධිපති හර්මන් කුරේරා මහතාද වු අතර ගුණරත්න මහතාගේ බිරිද ඇතුලු දරුවන් හඩාවැටෙද්දි සරත් ගුණරත්න මහතා මාංචු සහිත දෑත් ඔසවා සිය දේශපාලන සගයන්ට ආචාර කරමින් බන්ධනාගාර රථයට ගොඩවිය.
