2017 හෙද ඩිප්ලෝමා ප්‍රධානෝත්සවය ඊයේ (29) අරලියගහ මන්දිරයේ දී පැවැති අතර එහිදී ඒ මහතා මේ බව ප්‍රකාශ කළේය.
මෙහිදී හෙද හෙදියන් 1400 කට සෞඛ්‍ය අමාත්‍යවරයා අතින් ඩිප්ලෝමා ප්‍රදානය සිදු කළේය.
ජනතාව සීනි පරිභෝජනයෙන් අවම කර ගැනීම සඳහා සියලුම පැණිබීම වර්ගවලට වර්ණ සංකේත ක්‍රමයක් හඳුන්වා දී තිබෙන බවත් බෝනොවන රෝගවලින් රෝහල්වල පුද්ගයින් 70%ක් මිය යන බවත් ඒ මහතා පෙන්වා දුන්නේය.
උපාධිධාරීන් 2000 ක් පුහුණු කළ හැකි හෙද පීඨය ජයවර්ධනපුර රෝහල් භුමියේ ඉදිකරන බව පෙන්වා දුන් අමාත්‍යවරයා . දල දේශීය නිෂ්පාදනයෙන් සෞඛ්‍ය සේවාවට හා අධ්‍යාපනයට විශාල මුදලක් වැය කරන අතර 2016 වසරේ දී සෞඛ්‍ය සේවාවට පමණක් රුපියල් බිලියන 235 ක මුදලක් වෙන් කළ බවත් ඒ මහතා සඳහන් කළේය.
මෙම අවස්ථාවට නියෝජ්‍ය සෞඛ්‍ය අමාත්‍ය ෆයිසාල් කාසීම් මහතා, සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා, කොළඹ ජාතික රෝහලේ නියෝජ්‍ය අධ්‍යක්ෂ ජනරාල් අනිල් ජාසිංහ මහතා, සෞඛ්‍ය අමාත්‍යාංශයේ හෙද අංශයේ අධ්‍යක්ෂවරුන්, හෙද විද්‍යාලවල විදුහල්පතිවරුන් ඇතුළු විශාල පිරිසක් සහභාගී වූහ.