කොළඹ හලාවත ප්‍රධාන මාර්ගයේ වෙන්නප්පුව නගර සීමාව තුල වර්ෂා කාලයන්හි එකතුවන වැසි ජලය නිසි පරිදි බැසයාමට කාණු පද්ධතියක් නොමැති හෙයින් පදික ජනතාව වාහන රියදුරන් දැඩි අපහසුවට පත්වන බව එම ජනතාව පවසති සාන්ත ජොශප් වාස් විදුහල ඉදිරිපිට ප්‍රාදේශිය ලේකම් කාර්යාලය ඉදිරිපිට හා ලුණුවිල හන්දිය යන ස්ථාන වල විශාල වශයෙන් ජලය එකතුවන බවත් මේ පිළිබඳව වගකිවයුතු නිළධාරින්ට මෙන්ම මාර්ග සංවර්ධන අධිකාරියට අවස්ථා ගණනාවකදි පෙන්වා දුන්නත් මෙතෙක් කිසිදු පියවරක් ගෙන නොමැති බව ජනතාව පවසති නගරයේ විවිධ ස්ථානවල මෙම වැසි ජලය එකතු වීම නිසා පාසැල් දරුවන් රැකියා සඳහා යන අය දැඩි අපහසුතාවයට පත්වෙනවාක් මෙන්ම මේ හේතුවෙන් රිය අනතුරු වීමද නිතර සිදුවන බවත් මෙම ජලය රඳා පැවතීම නිසා මාර්ගයද අබලන් වන බව පෙන්වා දෙන ජනතාව මෙම වැසි ජලය බැසයාමට ක්‍රමයක් ඉක්මනින් සකසා දෙන මෙන් ඉල්ලා සිටිති
සටහන සහ ඡායාරූප – චන්දන ප්‍රනාන්දු
