පොහොට්ටුවේ ගැටුමක් : බැසිල් විරෝධය උග්‍රඅතට? නිමල් ලංසා ඕස්ට්‍රෙලියා යයි !

0
115
basil

මහ මැතිවරණයක් ඉල්ලා රැලි පැවැත්වීම පසෙකලා පළාත් පාලන මැතිවරණයෙන් පොදුජන පෙරමුණට (පොහොට්ටුවට) ලැබුණු බලය වඩාත් ශත්කිමත් කර ගැනීමට අදාළ පළාත් පාලන ආයතන ශක්තිමත්ව පිහිටුවීමට වැඩි අවධානය යොමුකරන ලෙස බැසිල් රාජපක්ෂ මහතා එම පක්ෂයේ ප්‍රධානීන්ගෙන් කරන ලද ඉල්ලීමකට එම පක්ෂයේ විරෝධයක් මතුව ඇති බැව පැවසේ.

මේ විරෝධය එල්ලවී ඇත්තේ කාලයක සිට ඒකාබද්ධ විපක්ෂයේ සිටිමින් බැසිල් විරෝධය ගෙනගිය අයගෙන් බවද පැවසේ.

ඉකුත් ජයග්‍රහණය බැසිල් රාජපක්ෂ මහතාගේ සැලසුම් හා සංවිධාන ශක්තිය ඉස්මතුවන කාරණාවක් බැවින් එය යටපත් කිරීමට මේ විරෝධය මතුව ඇති බවද වාර්තා වේ.

විරෝධය මතුකරන පිරිස පසුගිය කාලයේදී පොහොට්ටුවෙන් ඡන්දය ඉල්ලීමට ද විරෝධය දක්වා තිබිණි.

එම මැතිවරණයේදී ශ්‍රීලනිපය සමඟ ඡන්දය ඉල්ලීමට ද යෝජනා කළ මේ පිරිස පසුගිය කාලයේ ශ්‍රීලනිපය සමඟ ආණ්ඩු පිහිටුවීමද උත්සාහ කළේ අදාළ බැසිල් විරෝධය නිසා බව පැවසේ.

පළාත් පාලන මැතිවරණ සමයේදී පොහොට්ටුවේ පුවත්පත් සාකච්ඡාවකට හෝ සහභාගි නොවූ මේ පිරිස පොහොට්ටුව ජයගත් වහාම නෙළුම්මාවතේ පොහොට්ටු කාර්යාලයේ මාධ්‍ය සාකච්ඡා අත්නොහැර පැමිණි බවද වාර්තා වේ.

මහ මැතිවරණයක් ඉල්ලමින් ක්‍රියාත්මක රැලි මාලාවේ පළමු රැලිය ලබන 07 වැනිදා නුගේගොඩදී පැවැත් වේ.

ඇයි බැසිල්ට විරුද්ද ?

බැසිල් රාජපක්ෂ මහතාට විරෝධය දැක්වීමට හේතුව ඔහුගේ ජයග්‍රහණය සම්බන්ධ ඊර්ශ්‍යාවදැයි අප බැසිල් විරෝධී ඒකාබද්ධ විපක්ෂයේ මන්ත්‍රීවරයකුගෙන් කළ විමසීමකදී ඔහු කියා සිටියේ ඔහුගේ ජය සම්බන්ධයෙන් ඊර්ශ්‍යාවක් නොමැති බවත් ඇත්තේ ඔහු හිතුමතේ ගන්නා තනි තීන්දු නිසා ඒවායේ ප්‍රතිවිපාක කණ්ඩායමකට විඳීමට සිදුවීම සම්බන්ධ ගැටලුවක් බවත් ඔහු කියා සිටියේය.

කෙසේවුවද, රොෂාන් රණසිංහ පාර්ලිමේන්තු මන්ත්‍රීවරයා ඒකාබද්ධ විපක්ෂයෙන් ඉවත් වීම මෙන් ම විමල් වීරවංශ මන්ත්‍රීවරයා ඇතුළු කණ්ඩායම ව්‍යවස්ථා මෙහෙයුම් කමිටුවෙන් ඉවත් වීම යන කරුණුවලට ද බැසිල් මහතාගේ ක්‍රියාකාරිත්වය බලපා ඇතැයි අදාළ ආරංචි මාර්ග වැඩිදුරටත් අවධාරණය කරයි.

නිමල් ලංසා රට යයි !

බැසිල් රාජපක්ෂගේ සමිපතම දේශපාලකඥයෙකු වු නිමල් ලංසාද මේ වන විට මීගමුව පොහොට්ටුව කණ්ඩායම තුල බරපතල අර්බුදයකට මුහුණ දි සිටි.
ඒ අතිරේක ලයිස්තුධුර මන්ත්‍රින් පත් කිරිම අර්බුදයක් වි තිබිම නිසාය.
මෙහිදි නිමල් ලංසාට පත්කිරිම් පිළිබදව උපදෙස් ලැබි අැතැයි සදහන් වන්නේ බැසිල් රාජපක්ෂ විසින් එසේ කිය ඇති බවය.
මේ සියළු  අර්බුද මෙසේ වර්ධනය වෙමින් තිබියදි නිමල් ලංසා ඊයේ ඕස්ට්‍රෙලියාව බලා යළිත් පිටත්ව ගොස් ඇතැයි වාර්ථා වේ.
මුලාශ්‍රය –www.infosrilankanews.com