ඊයේ (14දා) සවස 4.00ට පමණ කොටදෙනියාව පොලිස් වසමේ වල්පිට යොවුන් සේනාංකය ඉදිරිපිට ඇති ප්‍රධාන පාරේ සිදුවූ රිය අනතුරකින් තරුණයෙක් මියගොස් ඇත.
බවුසරය සහ යතුරුපැදිය පැමිණ ඇත්තේ කුරුණෑගල දෙසිනි. යතුරුපැදියෙන් පැමිණි පුද්ගලයා බවුසරය වමෙන් ඉස්සර කරන්නට යාමේදී පෙරලී ගොස් බවුසරයේ පිටුපස රෝදයට යටවීමෙන් ඔහුගේ හිස හෙල්මට් එකත් සමග කුඩුවී ඔහු එතනම මියගොස් ඇත. මෙසේ මියගොස් ඇත්තේ වයස අවුරුදු 20ක් පමණවූ මාවනැල්ල ප්‍රදේශයේ තරුණයෙකි. වික්‍රමසිංහ මහතා තවදුරටත් මේ ගැන පැහැදිළි කරමින් ප්‍රකාශකළේ මෙම තරුණයාට රියදුරු බලපත්‍රයක් නැති බවත්, මෙය ඔහුගේ වැරැද්ද මත සිදුවූවක් බවත්ය. මේවනවිට තරුණයාගේ මළ සිරුර දඹදෙනිය රෝහලේ මෘතශරීරාගාරයේ තැන්පත් කර ඇති අතර වයස අවුරුදු 48ක් පමණවූ රියදුරු අත්අඩංගුවට ගෙන ඇත. මියගිය තරුණයාගේ පශ්චාත් මරණ පරීක්ෂණ කටයුතු අදදින සිදුකරන බව කොටදෙනියාව පොලීසියේ ස්ථානාධිපති D D වික්‍රමසිංහ මහතා අප සමග පැවසීය.
කොටදෙනියාව පොලීසියේ ස්ථානාධිපති D D වික්‍රමසිංහ මහතා සහ පොලිස් පරීක්ෂක සුරංග මහතා මෙම රිය අනතුර පිළිබදව අදාල පරීක්ෂණ කටයුතු සිදුකර ඇත.