වෙන්නප්පුව නගර මාද්‍යයේ ඇති බාලිකා පාසැලකට යන මාර්ගයේ සිට අමතර පන්ති යන සිසුවියන්ට හා කාන්තාවන්ට තම නිරුවත පෙන්වමින් එම සිසුවියන් හා කාන්තාවන් අපහසුතාවයට පත්කල පුද්ගලයෙක් ඔක් 10 වෙනිදා දහවල් සැකපිට අත් අඩංගුවට ගත්බව වෙන්නප්පුව පොලිස් අපරාධ අංශය කීය මෙලෙස අත් අඩංගුවට ගෙන ඇත්තේ මාරවිල ප්‍රදේශයෙ පදිංචි 42 හැවිරිදි දෙදරු පුද්ගලයෙකි යම් පුද්ගලයෙක් එම මාර්ගයේ කාලයක සිට යතුරු පැදියකින් පැමිණ තම රහසඟ මාර්ගයේ යන කාන්තාවන්ට හා සිසුවියන්ට පෙන්වා පලා යන බවට කරඇති පැමිණිල්ලක් මත සිදු කල විමර්ශනයකින් අනතුරුව එම පුද්ගලයා ඔක් 10 වෙනිදාත් එලෙස තම නිරුවත පෙන්වමින් සිටියදි අත් අඩංගුවට ගත් බව පොලිසිය කීය පොලිසිය එම ස්ථානයට පැමිණෙන විට ඔහුගේ යතුරුපැදියෙන් පලායාමට උත්සහා කිරිමේදි පොලිස් රථවාහන අංශයේ නිළධාරින්ගේ සහයෙන් එම පුද්ගලයාව පොලිස් ග්‍රාහණයට ගැනිමට හැකි වු බව පොලිසිය පැවසීය මෙම පුද්ගලයා වෘත්තියෙන් මේසන් බාස් කෙනෙකු බවත් ඔහුගේ වැඩපළට යාමට පෙර උදැසන හා දහවල් මෙලෙස එම මාර්ගයේ හැසිරි ඇති බවට සිදුකල මූලික පරික්ෂණවලදි තහවුරු වු බව පොලිසිය කීය.
චන්දන ප්‍රනාන්දු