ශා.ජෝශප් වීදියේ වසර දෙකක පමණ කාලයක සිට පවත්වාගෙන යන වාහන සේදීමේ ආයතනයක් වන ඔටෝ කාර් වොෂ් සෙන්ටර් (Auto Car Wash Center ) නිසා ඒ අවට ජනතාවට සෞඛ්‍ය හා පාරසරික ප්‍රශ්න රැසක් මතුවී තිඛේ. මෙම ඔටෝ කාර් වොෂ් ආයතනයෙන් අවට වාතයට අධික දුර්ගන්ධයෙන් යුත් රසායනික ද්‍රව්‍යයක් වාතයට එක්වන බව අවට ප්‍රදේශවාසීන් පවසති.
එමෙන්ම රාත්‍රී කාලයේදී එම ස්ථානයේ පුලුසු්සනු ලබන රසායනික ද්‍රව්‍ය මිශ්‍ර අපද්‍රව්‍ය මගින් නිකුත්වන විෂ වායු දුර්ගන්ධය නිසා ඒ අවට පදිංචිකරුවන් සෞඛ්‍ය මෙන්ම මහත් මානසික ප්‍රශ්න රැසකට මැදිවී සිටින අතර මේ සම්බන්ධයෙන් මෙම ආයතනයේ හිමිකරුවන් වෙත කීපවතාවක්ම පැමිණිලි කළත් කිසිදු පලක් ලැබී නොමැත.
එබැවින් මේ සම්බන්ධයෙන් දැනුවත්කිරීමක් මීගමුව නගර සභාව වෙත ද යොමුකර ඇති බව අවට ජනතාව පවසති.
