පසුගිය වසරේ ඔක්තෝබර් 02 වනදා සෞදි කොන්සියුලර් කාර්යාලය තුලදී ඝාතනයට ලක්වූයේ යැයි සැලකෙන මාධ්‍යවේදී ජමාල් කශෝගී හා සෞදි ඝාතන කණ්ඩායමක් අතර ඇතිවූ සංවාදයක පටිගතකිරීම්වල ලිඛිත පිටපතක් මුදා හැරීමට තුර්කියේ Daily Sabah නම් පුවත්පත කටයුතු කර තිබේ.මෙම හඩපට තුර්කි බුද්ධි සේවයෙන් ලබා ගෙන ඇති අතර ජමාල් ඝාතනට පෙර ඔහු හා 15 දෙනෙකුගෙන් සමන්විට ඝාතන කල්ලිය අතර ඇතිවූ සංවාදයේ සම්පූර්ණ විස්තරය එම පුවත්පත මගින් මුදා හැර තිබේ.
ඝාතනය වීමට පෙර ඇමරිකාවේ පදිංචිව සිටි ජමාල් සිය විවාහයේ කටයුතු සදහා අවශ්‍ය ලියකියවිලි ලබා ගැනීම සදහා ඔහුගේ රටේ වන සෞදිහි කොන්සියුලර් කාර්යාලය වෙත ගිය අවස්ථාවේදි ඔහු ඝාතනය විය.
Daily Sabah පුවත් පත විසින් ඉදිරිපත් කරන අනාවරණයන්ට Maher Abdulaziz Mutreb නැමැති සෞදි බුද්ධි අංශ නිලධාරියා හා Mohammed bin Salman ඔටුන්න හිමි කුමරුගේ ආරක්ෂකයා හා මාධ්‍යවේදී කශෝගී අතර කථාබහක් ඇතිව තිබෙන අතර එහිදී ඔවුන් විසින් කශෝගීව රියාද් වෙත රැගෙන යාමට අවශ්‍ය බවත් එය interpol වෙතින් ලැබුණ නියෝගයක් පවත් පවසා ඇත. නමුත් එහිදී කශෝගී පවසා ඇත්තේ තමන්ට එරෙහිව කිසිදු නීතිමය කටයුත්තක් නොමැති වත් සිය පෙම්වතිය තමන් පැමිණෙන තුරු පිටත රැදී සිටින බවත්ය.
තුර්කි රජය විසින් මෙම ඝාතනය සෞදි රාජ්‍ය අනුග්‍රහය යටතේ සිදුවූ බවට චෝදනා කරන අතර සෞදි රජය එය ප්‍රතික්ෂේප කරයි.
(www.aljazeera.com ඇසුරිණි.)
