එයට විධිමත් විසදුමක් ලැබුනේ නැත.මේ අතර බහුදින යාත්‍රා විසින් අල්ලාගෙන එනු ලැබු විශාල මාළු තොගද ගොඩබෑමෙන් තොරව එහි ශිතාගාර තුලම විය.මීගමුවේදි බලයන් කෙලවල්ලන් කිලෝ ලක්ෂයක් පමණ වු බවට වාර්තා විය.මේ පසුබිම තුල මේ මාළු සැපයුම් සියල්ල විධිමත් ලෙසින් නිසි අවසර ලත් ජංගම අලෙවිකරුවන් මගින් ජනතාව අතරට යෑවිමේ වැඩපිළිවෙල වඩාත් සාර්ථකව සැලසුම් කරන්නට මීගමුව මූලස්ථානය පොලිස් පරික්ෂක වුඩ්ලර් මහතා පියවරගත් බවත් එය අති ප්‍රසංස්නීය අකාරයෙන් සැලසුම්ව ඇති බවත් මීපුර වෙබ් අඩවියට කියා සිටියේ මීගමුව ධිවර කාර්යාලයේ නිළධාරි මහතෙකි.
මේ පිළිබඳව අප කළ විමසුමකට ප්‍රතිචාර දක්වමින් මීගමුව මූලස්ථාන පොලිස් පරික්ෂක වුඩ්ලර් මහතා කියා සිටියේ මෙම වැඩපිළිවෙළ තුල ඇතැම් ජංගම අලෙවිකරුවන් වැඩිමිළට මාළු අලෙවි කිරිම පිළිබදව පැමිණිලි ලැබි තිබුන බවත් ඒ අයව පසුව පොලිසියට කැදවා දැඩි ලෙස අවවාද කළ බවත්ය.කෙසේ වෙතත් මාළු නගරයක ජනතාවට මාළු බෙදාහැරිමට මීගමුව පොලීසිය හෝ මැදිහත්වි මේ කරන්නට යෙදුණ උත්සාහය ඉතාමත් වැදගත් බවය.අර්බුදකාරි සෑම අවස්ථාවකම ඉන් පැන නොයා අවශ්‍ය උපරිම මැදිහත්විම කරන අයෙකු ලෙස වුඩ්ලර් මහතා දැනටමත් මීගමුව තුල ලකුණු හමාරය.පාකිස්තානු මුස්ලිම් සරණාගතයන්ගේ ප්‍රශ්ණයේදි ආනාරක්ෂිතව සිටි පවුල් සිය ගණනක් සිය පොලිස් පරිශ්‍රය තුලට ගෙන්වා ඔවුන් වඩාත් ආරක්ෂිතව සතිගණනාවක්ම බලාගත්තේය.
මේ උසස් ක්‍රියාව සම්බන්ධයෙන් ඔහු එක්සත් ජාතින්ගේ සංවිධානයේ උසස් නිළධාරිණියගේද ඇගයුමට ලක්විය.
රට පත්ව ඇති මේ අර්බුදය හමුවේ ජනතාවට සම්බන්ධ විවිධ කෂේත්‍රවල වැඩපිළිවෙලක් කළමණාකරණය කිරිමේ වගකිම් සැබැවින්ම භාරදිය යුත්තේ රාජ්‍ය නිළධාරින් වෙතය.
මන්ද ඒ පිළිබදව ඔවුන් මනා පරිචයක් මෙන්ම උගත්කමකද් ලබා ඇති බැවිනි.
එහෙත් අවසානයකට අද රටේ බොහෝ තැන්වලදි දේශපාලකයන් මේ මැද්දට පැන සියල්ල අවුල්කරමින් සිටිති.
ගණිතඥයෙක් අවැසි තැනට නැට්ටුවෙක් පැමිණි විට සිදුවන්නේ කුමක්දැයි අප තේරුම්ගත යුතුව තිබේ.
