මීගමුව මහවීදිය ප්‍රදේශයේ උපන් ඇන්ටනි සුරාජ් පෙරේරා 2000 දී පමණ මහවීදිය ප්‍රදේශයෙන් සුළුවෙන් තම ව්‍යාපාරික කටයුතු ආරම්භ කරන ලදී. මීගමුව -තෙල්වත්ත හන්දියේ පිහිටි ANTON ELECTRONICS හි අයිතිකරු ඔහුය . මේ වනවිට වයස අවුරුදු 44 ක් වු ඔහු තම පියාගෙන් ලැබු ආභාෂය මත මෙම කාර්මික දැනුම පුළුල් කරගත් අතර අද වනවිට යම් මට්ටමක දියුනුවක් ලබා තිඛේ. මීගමුව තෙල්වත්ත හංදිය අසල පිහිටා ඇති මෙම ආයතනයට නන් දෙසින් පාරිභෝගිකයින් පැමිණෙයි. පාරිභෝගිකයින් මෙම ස්ථානයට මෙසේ ආකර්ශණය වන්නේ ඇයිදැයි අප ඇන්ටන් මහතාගෙන් මුලින්ම විමසා සිටියෙමු.
පොඩි කාලෙ ඉදලම කාර්මික වැඩවලට මම කැමතියි. මුලින්ම මීගමුවෙ ඉලෙක්ට්‍රෝ ආයතනයෙනුත්, ඊටපස්සෙ ඉල්නේෂියස් පියතුමා යටතේ මේ ගැන ඉගෙනගත්තා. මට ගොඩක් සම්බන්ධකම් තිබෙනව මිනිස්සුත් එක්ක. ඒනිසා මේ අංශයට අදාල දෙයක් නම් වැඩියෙන් එන්නෙ මා ලගටයි. මම සාප්පුවට එන අයට ගන්නා භාණ්ඩය කොතරම් දුරට ඔහුගේ අවශ්‍යතාවයට අදාලද ඒ වගේම ගැලපෙනවද කියල පෙන්නල දෙනව.
ඔබ කොහොමද මේ ව්‍යාපාරයට සම්බන්ධ උනේ?
අපේ තාත්ත කළෙත් මේ ව්‍යාපාරය තමයි. මමත් තාත්තගෙන් තමයි මුලින්ම ඉගෙන ගත්තෙ.1985 දි තාත්ත සුළුවෙන් පටන් අරගෙන කරගෙන ගියා. ඒ කාලෙ පාසැල් යන ගමන් තාත්තගෙ වැඩ වලට සම්බන්ධවුනේ මේ ගැන ආශාවක් තිබුන නිසයි. ඒඅනුව 2000 දි වගේ මම පටන් ගත්ත. බොහොම මහන්සිවෙල තමයි අද මම මේ තත්වයට ආවෙ.
ඔබේ අරමුණ ….
මම කැමතියි මේ සුළු ව්‍යාපාරය මගේම තැනකට අරගෙන මීට වඩා දියුණු කරල ගන්න. මම යම් භාණ්ඩයක් විකුණන්නෙ එහි ගුණත්වය , සහ අදාළත්වය, පාරිභෝගිකයට පැහැදිළි කරල දීලයි.
බාල දේවල් දීල සමහරු පාරිභෝගිකයව මුලාකරනව. මම ඒකට කැමති නෑ. මගෙන් නොගත්තත් ඇත්ත කියල තමයි මම බඩු විකුණන්නෙ. ඒ වගේම දැනටමත් කරන *TV, CASSETTE RECORDER , WASHING MACHINE , ORGAN ආදිය අළුත්වැඩියා කිරීම මීටවඩා ක්‍රමවත් විදිහට කරන්නයි මම අදහස් කරගෙන ඉන්නෙ.
සටහන සහ ඡායා – සැම්සන් ඥානසිරි