2015 වසරේ මාර්තු මාසයේ මැද මීගමුව බසාර් පාර හෙවත් ඩී.ඇස් .සේනානායක පාර අලුතින් සෑදීම ආරම්භ කළ අතර මීපුර වෙබ් අඩවියේ ඒ පිළිබදව ප්‍රවෘත්තියක් ද පළ කළෙමු. මේ වන විට මාස දෙකක් ගතවී ඇති අතර එම මාර්ගයේ ස්ථාන කිහිපයක වැඩ නිම නොවී පැවතීම හේතුවෙන් එහි ගමන් ගන්නා මගීන් මෙන්ම විශේෂයෙන් රියදුරන් දැඩි අපහසුතාවකට ලක්වෙති. පාරේ තැන් කිහිපයක ලෙවල් කිරිමක් හෝ වැඩ සම්පූර්ණයෙන් අවසන් කර නොමැති අතර තද දූවිහිල්ලක් පවතී. මෙම මාර්ගයේ ගමන් කරනා සියලූම වාහන ඉතාම හෙමින් ගමන් කරන්නේ එම පාරේ ඇති අසම්පූර්ණ තත්ත්වය හේතුවෙනි. මේ සම්බන්ධයෙන් මෙම මාර්ගය භාවිතා කරන්නන් දැඩි අපහසුතාවයකට පත්වී ඇති අතර ඔවුන්ගේ චෝදනාව වන්නේ මෙම මාර්ගය සම්පූර්ණ නොකර මහජනතාවගේ පරිහරණයට විවෘතව ඇත්තේ ඇයි ද යන්නයි.
සබැදි පුවත්