එක්සත් ජාතික නිදහස් පෙරමුණු මීගමුව මහ නගරසභාවේ මන්ත්‍රීධූරයට ජේෂ්ඨ පුද්ගලයකු වන කපිල නන්ද සුලෝචන මහතා එම පක්ෂයේ ප්‍රධාන ලේකම් මෛත්‍රී ගුණරත්න මහතා විසින් නම් කර ඇත. ගම්පහ දිස්ත්‍රික් මැතිවරණ තේරීම් භාර නිලධාරී මාධව මහතා විසින් නිකුත් කරන ලද අතිවිශේෂ ගැසට් පත්‍රයෙන් මේ බව දැනුම් දී අැත.කපිල නන්ද සුලෝචන මහතා කාලයක් මීගමුව මහ නගර සභාවේ මන්ත්‍රීවරයෙකු ලෙස කටයුතු කර අත්දැකීම් ඇති අයෙකි.
මෙම නව පත්කිරීම සම්බන්දයෙන් මීපුර අප කපිල මහතාගෙන් විමසා සිටි අවස්ථාවේදී ඔහු සදහන් කර සිටියේ නගර සභාව තුල ආණ්ඩු පක්ෂයට හෝ විපක්ෂයට සහය දැක්වීමක් සිදුනොකොට එක්සත් ජාතික නිදහස් පෙරමුණ වෙනුවෙන් නගර සභාව තුල පෙනී සිටින බවයි. මේ වන විට නගර සභාව තුල පවතින ආණ්ඩු පක්ෂය සදහා විවිධ දූෂණ චෝදනා පැවතියද තමන්ගේ සහය විපක්ෂයට හෝ ලබානොදෙන බවත් මේ වන විට ක්‍රියාකාරී විපක්ෂයක් නගර සභාව තුල නොමැති බවත් ඒ මහතා වැඩිදුරටත් සදහන් කලේය.
පසුගිය සමයේ මෙම මන්ත්‍රීධූරය හිමිව සිටි ඩෙක්ස්ටර් ප්‍රනාන්දු පක්ෂයේ විනය කටයුතු උල්ලංඝනය කිරීම හේතුවෙන් ඔහුගේ පක්ෂ සාමාජිකත්වය අහෝසි වීම නිසා මෙම පත්වීම සිදුකර ඇත.
