මීගමුව රෝහලේ මේ වන විට උදාවී ඇති තත්වය පිළිබදව වැදගත් තීරණයක් ගැනීම සදහා ඊයේ (ජුනි 05) කාදිනල් කුරේ මධ්‍යස්ථානයේදී විශේෂ සාකච්ඡාවක් පැවැත්විණි. එයට ශ්‍රිලනිප මීගමුව සංවිධායක සරත් ගුණරත්න මහතා, මීගමුව එක්සත් ජාතික පක්ෂ සංවිධායක රොයිස් විජිත මහතා, ස්වදේශ කටයුතු අමාත්‍ය ජෝශප් මයිකල් පෙරේරා මහතා ඇතුළු ප්‍රදේශයේ කතෝලික , බෞද්ධ,හින්දු හා ඉස්ලාම් ආගමික නායකයන් විශාල පිරිසක්ද සහභාගී වි සිටියහ. මේ අතර කතෝලික හිමිවරුන් 50කට අධික පිරිසක් සහභාගී වී සිටීමද දැකගතහැකිවිය. ඒ අතර රෝහලේ වෛද්‍යවරු විශාල පිරිසක්ද විය.එහිදී මේ වන විට මීගමුව රෝහලේ තත්වයට ස්ථීර විසදුමක් සෙවීම පිළිබද සාකච්ඡා වී ඇති අතර, ස්වදේශ කටයුතු අමාත්‍ය ගරු ජෝශප් මයිකල් පෙරේරා මහතා ප්‍රකාශ කර ඇත්තේ ජනාධිපතිතුමන් සමග මේ සම්බන්දව සකච්ඡා කිරීමෙන් අනතුරුව මීගමු රෝහල මහා ආණ්ඩුවට පවරා ගැනීමට තීරණයක් ගැනීමට හැකිවනු ඇති බවයි. රැස්වීම පවත්වන වන අතරවාරයේදීම ජනාධිපති ලේඛම්තුමා අමතා ඇති ජෝශප් මයිකල් අමාත්‍යතුමා ලේඛම්තුමන්ට මේ පිළිබදව පවසා ඇති අතර , ලේඛම්තුමා මේ පිළිබදව තමන්ගේ පූර්ණ අවධානය දක්වන බව පවසා ඇත.
මෙම තීරණයේ විශේෂත්වය වන්නේ මීගමුව රෝහල මහා ආණ්ඩුවට පවරා ගැනීම පිළිබදව රෝහලේ බලධාරීන් දීර්ඝ කාලයක් තිස්සේ සාකච්ඡා කරමින් පැවතීමයි.
