ශ්‍රී ලංකා පරිගණක හදිසි ප්‍රතිචාර සංසදය හෙවත් සර්ට් ආයතනය විසින් රටපුරා සයිබර් ආරක්ෂණ වැඩසටහන් ක්‍රියාත්මක කිරීම සදහා සයිබර් ආරක්ෂණ මාසය ලෙස මේ අගෝස්තු මාසය නම් කර තිබෙනවා.
ප්‍රධාන තොරතුරු ආරක්ෂක ඉංජිනේරු රොෂාන් චන්ද්රගුප්ත මහතා සදහන් කරන ආකාරයට CERT කණ්ඩායම විසින් සයිබර් ආරක්ෂණ මාසයට සමගාමීව ශ්‍රී ලංකාවේ ජනතාව අතර දැනුවත්භාවය වැඩි කිරීමට විවිධ වැඩමුළු ඉදිරියේදී පැවැත්වෙනු ඇති. එලෙසම සයිබර් ආරක්ෂණ මාසය අවසන් වීමෙන් අනතුරුව අගෝස්තු මස 31 වන දින අන්තර්ජාතික සයිබර් ආරක්ෂණ විශේෂඥයින් කිහිප දෙනෙකුගේ සහභාගීත්වයෙන් විශේෂ වැඩසටහනක් සංවිධානය කිරීමටද සර්ට් ආයතනය මේ වන විට කටයුතු සූදානම් කර ඇති බව වාර්ථා වේ.