ගරු සත්‍යවේල් පියතුමා විසින් මෙම අදහස ඉදිරිපත් කළේ අතුරුදහන් වූවන්ගේ දිනය වෙනුවෙන් අද මීගමුව ,ජනාවබෝධ කේන්ද්‍රයේ පැවති සම්මන්ත්‍රණයේදීය. මෙම අවස්ථාවේදී අදහස් දක්වමින් සත්‍යවේල් පියතුමා ප්‍රකාශකළේ විශාල ජනතාවක් ඥාතීන් වෙනුවෙන් පාරට බැස හඬනගද්දී අප කුඩා ශාලාවකට වී මෙසේ සාකච්ඡා කරමින් කාලය ගතකිරීම ලජ්ජාවට කාරණයක් බවය. අදවනවිට දවස් 876ක් තිස්සේ මෙසේ පාරට බැහැල හඬ නැගුවත් කිසි වගකිවයුත්තෙක් මේ ගැන තවමත් කිසි කතාවක් කර නැතිබව පියතුමා පවසයි. ඔවුන් මේ මොහොතේ ඡන්ද තරඟයෙ යෙදිල ඉන්නෙ. මට ඡන්දෙ දෙන්න. අපට ඡන්දෙ දෙන්න කියල.
අද හමුදාපති කරල තියෙන්නෙ ශවේන්ද්‍ර සිල්වාවයි. ඔහු යුධ අපරාධකාරයෙක්. මාතර සමුහ මිනී වලක් ගැන පැවති උද්ගෝෂණයක් සඳහා අපි සහභාගී වුනා. මෙහි අතුරුදහන් කල පුද්ගලයා වූයේ මාතර ප්‍රදේශය භාරව කටයුතු කළ ගෝඨාභය රාජපක්ෂයි. නමුත් අද මේ ගැන ජ. වි. පෙ. කටක් අරින්නෙ නෑ. දකුණු අප්‍රිකාවෙ මානව හිමිකම් සංවිධානයක් ශවේන්ද්‍ර සිල්වා පිළිබඳව පිටු 137ක වාර්ථාවක් ඉදිරිපත් කරල තියෙනව ඔහු කළාවූ යුධ අපරාධ පිළිබඳව. අද ඉන්නව එකසිය ගනනක් දරුවන් සිරගතකරල මොවුන් තමන්කළ වරද නිසා භාරවු අය නෙවෙයි. ඔවුන් දේශපාලන සිරකරුවන්. නමුත් ඔවුන්ට ගහල, තර්ජනය කරල, දත් කඩල, තමයි අත්සන් අරගෙන තියෙන්නෙ. මේ අනුව දැන් මෛත්‍රී, ශවේන්ද්‍ර සිල්වා, ගෝඨාභය සහ මහින්දගේ බල කණ්ඩායමට තියෙන්නෙ එකම අරමුණක්. ඔවුන් මිත්‍රයො.
මෙම වැඩසටහන විකල්පය වෙබ් අඩවිය සහ ප්‍රභාතය කලා මාධ්‍ය විසින් සංවිධානය කර තිබුණි.