පාර්ලිමේන්තුවේ මුදල් අධ්‍යක්ෂවරයා ඇතුළු එහි සේවකයන් 25 දෙනකුට කොවිඩ් ආසාදනයවී ඇතැයි තහවුරුවී තිබෙන බව පාර්ලිමේන්තු ආරංචි මාර්ගවලින් පැවසෙන බව ලංකාදිප වෙබ් අඩවිය වාර්තා කොට තිබේ.කොවිඩ් ආසාදනයවූ පිරිසට පාර්ලිමේන්තු පොලීසියේ නිලධාරීහු පස් දෙනෙක්ද ඇතුළත් වෙතැයි එම පුවතේ සදහන්ය.
පාර්ලිමේන්තු සේවකයෝ 152 දෙනක් රැපිඩ් ඇන්ටිජන් පරීක්ෂණවලට අද (31) යොමු කරනු ලැබ තිබු අතර මේ විසි පස් දෙනාට කොවිඩ් ආසාදනයවී ඇතැයි හඳුනාගනු ලැබ ඇත්තේ එම පරීක්ෂණවලදීය.
කතානායකවරයා ඇතුළු පාර්ලිමේන්තු මන්ත්‍රීවරු 12 දෙනෙක්ද පාර්ලිමේන්තුවේ උසස් නිලධාරිනියක්ද කොවිඩ් රෝගයට පසුගිය දින කිහිපයේදී ගොදුරු වූහ.
කොවිඩ් රෝගයට මේ දක්වා ගොදුරුවී ඇති පාර්ලිමේන්තු මන්ත්‍රීවරුන් සංඛ්‍යාව 46කි.
මේ අතර පාර්ලිමේන්තුවේ තවත් රැපිඩ් ඇන්ටිජන් පරීක්ෂණ වටයක් ලබන 3 වැනිදා සඳුදා දිනයේද පැවැත්වීමට පාර්ලිමේන්තු ප්‍රධානීන් තීරණය කර ඇත
