මේ වන විට පවතින ඩෙංගු හා වෙනත් රෝග තත්වයන් හේතුවෙන් සෑම වසරකදීම ගබඩා කර ඇති රුධිර ප්‍රමාණය ක්‍රම ක්‍රමයෙන් අඩුවෙමින් පවතින බව ජාතික රුධිර පාරවිලයන මධ්‍යස්ථානය පවසනවා. ඒ හේතුවෙන් රුධිරට පරිත්‍යාග කරන ලෙසටයි එම මධ්‍යස්ථානය ජනතාවගෙන් ඉල්ලා සිටින්නේ.
එම මධ්‍යස්ථානයේ අධ්‍යක්ෂ වෛද්‍ය රුක්ෂාන් බෙල්ලන මහතා සඳහන් කළේ සෑම වසරක ම ජනවාරි සිට අප්‍රේල් මාසය දක්වා කාලය තුළ රුධිරය පරිත්‍යාග කිරීම ද අවම වන බවයි. එම නිසා රුධිරය හිඟයක් ඇතිවිය හැකි බැවින් රුධිර පරිත්‍යාගශීලීන්ගෙන් කඩිනමින් රුධිරය පරිත්‍යාග කර ගැනීමට සිදුව ඇති බව සදහන් කරන අධ්‍යක්ෂවරයා ජනතාවගෙන් ඉල්ලා සිටින්නේ නාරාහේන්පිට ජාතික රුධිර පාරවිලයන මධ්‍යස්ථානයට හෝ ලඟම පිහිටි රෝහලේ රුධිර මධ්‍යස්ථානයට පැමිණ රුධිරය පරිත්‍යාග කරන ලෙසටයි.
මේ පිළිබඳ වැඩිදුර විස්තර සඳහා වෛද්‍ය රුක්ෂාන් බෙල්ලන මහතා – 0777 586 596