රටපුරා දැවැන්ත කොරෝනා අර්බුදයක් නිර්මාණය විමට පටන් ගත් ඔක් 04 වෙනිදාට පෙර දිනයේ මිගමුව මහනගර සභාවේ කිසිදු සෞඛ්‍යමය නිතියක් අනුගමනය නොකරමින් වගකිම් විරහිතව කටයුතු කළ මීගමුවේ PHIලා ගැන මෙන්ම ඊට අනුබල දෙමින් ක්‍රියාකර ඇති නාගරික කොමසාරිස්වරය මෙන්ම දේශපාලකයන් ගැනද ඉහල බලධාරින්ගේ අවධානයට යොමුව ඇතැයි වඩාත් විශ්වාස කටයුතු ලෙසින් දැනගන්නට ඇත.
එමෙන්ම මේ පිළිබදව මිපුර වෙබ් අඩවිය විසින් කරුණු සහිතවම මේ ගැන හෙළිදරව් කිරිමෙන් පසු මිගමුවට සැබැ ආදරයක් ඇති වැදගත් පුද්ගලයන් කිපදෙනෙකුම මේ පිළිබදව අදාල උසස් නිළධාරින්ගේ අවධානයට යොමුකිරිමටද පියවර ගෙන තිබුණ බව දැනගන්නට ඇත.
ඔවුන් වැඩිදුරටත් කියා සිටින්නේ නගරධිපතිවරයාගේ උපන් දිනය සැමරිම සදහා පැවැති විශාල පිරිසක් එක්ව සිටි පිරිතට කිසියම් ආසාදිතයෙකු පැමිණ සිට තිබුනේ නම් බරපතල තත්වයක් මතුවිම අනිවාර්ය බවය.
එයට සහභාගිව සිටි කිසිදු අයෙකු විසින් මුහුණු ආවරණ පැළද නොසිටිමත් ,මිටරේ පරතරය කිසි ලෙසකින් වත් අනුගමනය නොකර තිබිම මේ අතර මුලික වේ.
මිගමුව පසුගිය 04 වෙනිදා පටන් මේ දක්වා මිගමුව තුලින් රෝගින් 6 දෙනෙකු වාර්ථා වි තිබේ.
මිගමුවේ කොරෝනා තත්වය කළමණාකරණය කිරිම සදහා පසුගිය 07 වනදා පැවැති රැස්විමේදි පවා නගරාධිපති දයාන් ලංසා සහ නාගරික කොමසාරිස්වරිය මුහුණ ආවරණ පැළද නොසිටිම ගැනද මේ වන විට විවේචනයට ලක්ව තිබේ.එවැනි වගකිම් විරහිත ප්‍රධානින් මිගමුවේ ජනතාවට උපදෙස් දෙන්නේ කෙසේදැයි මිපුර වෙබ් අඩවිය අමතා කථා කළ ගරු පියතුමෙකුද කියා සිටියේය.