තවද මොහු සතුව ඔහුගේම ඡායාරූපයට නම් දෙකකින් විදෙස් ගමන් බලපත්‍ර දෙකක් තිබී හමුවී ඇති අතර එම විදෙස් ගමන් බලපත්‍ර දෙක වැඩිදුර පරීක්‍ෂණ සඳහා ආරක්ෂක අංශ බාරයට ගෙන ඇති බවත් මෙම විදෙස් ගමන් බලපත්‍ර දෙක උපයෝගී කරගනිමින් සැකකරු ඩුබායි ඇතුළු විදෙස් රටවල් ගණනාවකට ගොස් ඇති බවත් වාර්තා වෙයි.
දේශපාලනය පොහොට්ටුවේ !
මෙම රිස්වාන් නැමැත්තා පොහොට්ටු පක්ෂයේ මාබෝල කොට්ඨාසයේ සංවිධායකවරයා මෙන්ම පසුගිය 2018 පළාත් පාලන මැතිවරණයේදී වත්තල – මාබෝල නගර සභාවට මාබෝල කොට්ඨාසයෙන් ඉදිරිපත්වූ පොහොට්ටු පක්ෂයේ අපේක්ෂකයාද විය.මෙහිදි වඩාත් විශේෂ පුවතක් බවට දැන් පත්ව ඇත්තේ වත්තල කොට්ටාශයේ පොහොට්ටුවේ ආසන සංවිධායකවරයා ලෙසින් කටයුතු කර තිබුනේ පාර්ලිමේන්තු මන්ත්‍රි නිමල් ලංසා විම පිළිබදවය.
සැකකාර කෝටිපති ව්‍යාපාරිකයා මාබෝල ප්‍රදේශයේ මහල් තුනකින් යුත් සුවිසල් නිවෙසක සහ ඒ අසල පිහිටි තවත් සුඛෝපභෝගී නිවෙසක හිමිකරුවකු බවත් ඔහුගේ බිරියන් දෙදෙනා සහ දරුවන් මෙම නිවාසවල පදිංචිව සිටින බවත් ආරක්ෂක අංශ ආරංචිමාර්ග වැඩිදුරටත් පවසයි.
තවද 2009 වසරේදී වත්තල ප්‍රදේශයේ ත්‍රිරෝද රථයක් පදවා ජීවිකාව ගෙන ගොස් ඇති මේ පුද්ගලයා මේ වනවිට නැව් භාණ්ඩ ප්‍රවාහන ආයතනයක (කාගෝ) හිමිකරුවකු බවත් ආණමඩුව ප්‍රදේශයේ කන්ටේනර් අංගණයක්ද පවත්වාගෙන යන බවත් පරීක්‍ෂණවලින් හෙළි වී ඇත.
ත්‍රිරෝද රථ රියැදුරකු ලෙස ජීවිකාව ඇරඹූ මොහු වසර කීපයකින් කෝටිපති ව්‍යාපාරිකයකු බවට පත්වූයේ කෙසේද යන්න හෙළිකර ගැනීම සඳහා පුළුල් විමර්ශනයක් සිදුවන බවත් දැනගන්නට ඇත.
මුලාශ්‍රය -newstube.lk
