ප්‍රවීණ සංගීත ශිල්පියෙකු වූ ෂෙල්ටන් මුතුනමගේ මහතාගේ තිස්පස් (35) වසරක සංගීත දිවිය ඇගයීම සහ නවතම සංයුක්ත තැටිය එළිදැක්වීම ඔක්තෝබර් මස 31 වන දින සවස 6.30ට මීගමුව ආවේ මරියා විද්‍යාලීය ශ්‍රවණාගාරයෙදී පැවැත්විණි. ජනප්‍රිය කලා ශිල්පින් සහ ශිල්පිනියන් රැසකගේ සහ රසික රසිකාවියන් විශාල පිරිසකගේ සහභාගීත්වයෙන් පැවති මෙම ප්‍රසංගය ඉතා සුන්දර අවස්ථාවක් විය. වින්දනීය වූ රසාස්වාදයක් එක් කරමින් මෙහි සංගීතය නව ආරකට මුසු කරමින් සංගීත අධ්‍යක්ෂ සුමිත් ප්‍රියංකර විසින් මෙහෙය විය.
