නිදහසේ වේදිකාව විසින් සංවිධානය කරන ලද සමගි බලවේගය පිළිබද ජනතාව දැනුවත් කිරීම සදහා වූ පත්‍රිකා බෙදීමේ වැඩසටහනක් අද දින මහවැවදී පැවැත්විණ.මෙහිදී විරෝධතාවක් මෙන්ම වීදි ඡායාරූප ප්‍රදර්ශණයක්ද සංවිධානය කර තිබුණි.
“ජනාධිපතිතුමෙනි ඔබ ඒකාධිපතිෙයකු නොවේනම් එය රටට ලෝකයට පෙන්වන්න LLRC වාර්ථාවේ නිර්දේශ වහාම ක්‍රියාත්මක කරන්න”, යන තේමාව යටතේ පෝස්ටර් ව්‍යාපාරයක් හා ජනතා පෙත්සම් ව්‍යාපාරයක්ද එහිදී පැවැත්විණි.
මේ සදහා එක්සත් ජාතික පක්ෂයේ මහලේඛම් තිස්ස අත්තනායක මහතා හා නිදහසේ වේදිකාවේ කැදවුම්කාර මණ්ඩලයේ සාමාජික බ්‍රිටෝ ප්‍රනාන්දු මහතාද ඇතුළු එම සංවිධානයේ ක්‍රියාධරයින් පිරිසක් සහභාගී වී සිටියහ.
ඡායා – රොෂාන් චතුරංග
