එම්.ඉෂෙඩ් සාජහාන් මහතා වෘත්තියෙන් ගුරුවරයෙකු වන අතර ඔහු මේ වන විට වැලිහේන රෝමානු කතෝලික දෙමළ විද්‍යාලයේ විදුහල්පති ලෙස සේවය කරනු ලබයි.
ඒ අතර එම්.ඉෂෙඩ් සාජහාන් මහතා වෘත්තීය මාධ්‍යවේදියෙකු වශයෙන් සිය විශාල සමාජ මෙහෙවරක නිරත වන පුද්ගලයෙකි. ඔහු වීරකේසරී පුවත්පතේ මීගමුව වාර්තාකරු වන අතර තවත් මාධ්‍ය ආයතන වෙත සිය දායකත්වය ලබාදෙමින් සිටියි.
ඔහු ඔහුගේ බ්ලෝග් අඩවිය වන negombo tamil news වෙබ් අඩවිය මගින්ද මිගමුවේ මෙන්ම ලෝකය පුරා සිටින ජනතාවට දෙමළ මාධ්‍යයෙන් තොරතුරු බෙදාහැරීම නොකඩවා සිදුකිරීම ඉතාමත් අගය කළ යුතු කාර්යයකි.
සාජහාන් මහතා සිය අධ්‍යාපන වෘත්තීය තුළ උපාධිධාරියෙකු වන අතර පසුගිය වසර කීපයකම ගුරු උපදේශකවරයෙකු ලෙස මීගමුව අධ්‍යාපන කලාපයේ කැපවී සේවය කළ ගරුවරයෙකි.
මාධ්‍ය වෘත්තීය තුළද ඔහු ඩිප්ලෝමාධාරියෙකු වන අතර පසුගිය කාලයේ සිය වෘත්තීය ජීවිතය තුළට පැමිණි සියලු හැල හැප්පීම්, බාධක පීඩා මැද අභියෝග ජයගනිමින් මෙන්ම අන් අය සමග සාමුහිකව සමාජ ක්‍රියාකාරම්හී නිරතවූ පුද්ගලයෙකි.
මීගමුවේ සිටින ප්‍රාදේශී්‍ය මාධ්‍යකරුවන් අතරින් සාජහාන් මහතා විශේෂ වන්නේ ඔහු සිය මාධ්‍ය මෙහෙවර මුදලටත් දේශපාලනයටත් පාවා නොදී , සෘජුව හා සාධාරණ ලෙස අදටත් සිය පෑන මෙහෙයවමින් සිටින බැවිනි.
අද පෙරවරුවේදී ඒ මහතා ඔහුගේ පශ්චාත් උපාධිය සම්පූර්ණ කරමින් ඒ සදහා පිදුම්ලත් අතර ඔහුගේ අධ්‍යාපන ජීවිතයේ ඉදිරි වැඩකටයුතු වෙනුවෙන් අප ඔහුට සුබපැතමු.