ප්‍රජාතන්ත්‍රවාදී දෙමළ ජාතික සම්මේලනයේ වන්නි දිස්ත්‍රික් පාර්ලිමේන්තු මන්ත්‍රී සෙල්වම් අඩෙක්කලනාදන් ප්‍රකාශ කළේ දෙමළ පාර්ලිමේන්තු මන්ත්‍රීවරුන් සියලු දෙනා එක්ව පාර්ලිමේන්තුවේ එකම කණ්ඩායමක් ලෙස පොදු ගැටලුවලට මුහුණදීමට කටයුතු කිරීමට නියමිත බවයි.
පසුගිය (16) පෙරවරුවේ මන්නාරම කාර්යාලයේ පැවති මාධ්‍ය සාකච්ඡාවකදී ඔහු මේ බව පැවසීය.
එහිදී වැඩිදුරටත් අදහස් දැක්වූ ඒ මන්ත්‍රිවරයා …
අපි ජනතාවගෙන් ඉල්ලා සිටියේ ජාතිය සහ සංවර්ධනය පිළිබඳ වැඩි අවධානයක් යොමු කරන ලෙසයි.
අපි මෙම විසඳුම් දෙකම කෙරෙහි අවධානය යොමු කරමු. ග්‍රාමීය ජනතාවගේ දුක් ගැනවිලිවලට සවන් දී ගම දියුණු කිරීම මෙහි අරමුණ වනු ඇත. එමෙන්ම ජනවාර්ගික ප්‍රශ්නයට අදාළ විසඳුම් ප්‍රමුඛතා මත ක්‍රියාත්මක කළ හැකි පරිසරයක් අපි නිර්මාණය කරනවා.
ඒ වගේම මම මෙවර පාර්ලිමේන්තු මැතිවරණයේදී තේරී පත් වූ සියලුම දෙමළ මන්ත්‍රීවරුන් සමඟ එක්ව පොදු ප්‍රශ්න සමඟ පාර්ලිමේන්තුවේ තනි කණ්ඩායමක් ලෙස කටයුතු කිරීමට කටයුතු කිරීමට පියවර ගන්නවා.
ජනාධිපතිවරයා ප්‍රකාශ කළ පරිදි දෙමළ දේශපාලන සිරකරුවන් නිදහස් කර ගැනිම අතුරුදන්වූවන් සම්බන්ධයෙන් සාධාරණයක් ඉල්ලා සිටිම, අපේ ඉඩම් අපතේ නොයන පරිසරයක් නිර්මාණය කිරීම, අපේ ධීවරයන් මුහුණ දෙන ගැටලුවලට ස්ථිර විසඳුමක් ලබා ගැනීම සඳහා අපි ඒකමතික ක්‍රමයක් සමඟ කටයුතු කරන පරිසරයක් ඇති කිරීම ඇතුළු විවිධ ක්‍රියාමාර්ග ගැනීමට අවධානය යොමුකළ යුතුයි
මන්නාරම වාර්තාකරු එස්.ආර්.ලැම්බර්
