අදදින මීගමුව බස්නැවතුම්පල ඉදිරිපිටදී මන්නාරම සිලාවතුර ප්‍රදේශයේ ඉඩම් අහිමි ජනතාවගේ ඉඩම් ප්‍රශ්ණය වෙනුවෙන් උද්ගෝෂණයක් පැවැත්වින. පරම්පරා ගනනාවක් තිස්සේ තමන් පදිංචිව සිටි අක්කර 36ක භූමි භාගයක් යුද්ධයේ ප්‍රතිඵලයක් ලෙස මේවනවිට ඔවුන්ට අහිමිවී ඇත. ගම්බිම් අහිමිවී ගිය මෙම ජනතාව නැවත තම අයිතිය ලබාගැනීම උදෙසා සංවිධානයවී කරන අරගලයට දින 50ක්ද ගෙවී ඇත. මේ සම්බන්ධව සිලාවතුර ජනතාව සමඟ කටයුතු කරන ජාතික ධීවර සහයෝගිතා කේන්ද්‍රයේ කැඳවුම්කරුවන හර්මන් කුමාර මහතා ප්‍රකාශකළේ මේ සම්බන්ධව අවස්ථා ගනනාවකදී රජය සහ හමුදාව සමඟ සාකච්ඡා කළ නමුත් ඔවුන් ඉදිරිපත් කරන තර්කය වී ඇත්තේ රටේ ආරක්ෂාව පිළිබඳ ප්‍රශ්ණයක් නිසා මෙම ඉඩම් නැවත ලබාදිය නොහැකි බවය. නමුත් ජනතාගේ පැත්තෙන් නැවත මතුකරන තර්කය වන්නේ වයඹ මුල්ලිකුලම ප්‍රදේශයේ හමුදා මූලස්ථානය තිබියදී මෙවැනි විශාල ඉඩම් ප්‍රමාණයක් මේ සඳහා තබාගැනීම සාධාරණ නොවන බවය.
සිලාවතුර ඉඩම් අරගලය සංවිධානය කරන එහි නායකයා වූ රහිම් මහතා ප්‍රකාශ කරන්නේ රජයේ ඉඩම් වෙරළ තීරයේ ඕනෑතරම් තිබෙන බැවින් ඔවුන් පරම්පරානුගතව ජීවත්වූ ඉඩම් නැවත ඔවුන්ට ලබාදෙන ලෙස කරන ඉල්ලීම සාධාරණ බවයි. එසේම මෙම අරගලයේදී ගම් 32ක ජනයා සංවිධානය වී ඇති බවත් මේ සඳහා පල්ලියේ සහයෝගයත්, ග්‍රාමීය ආර්ථික සංවිධානයේ සහායත් ලැබෙන බවත් ඔහු සඳහන් කරයි.
එබැවින් සිලාවතුර ජනතාව සංවිධානයවී දින 50ක් තිස්සේ අඛන්ඩව දියත්කරන මෙම උද්ගෝෂණය සඳහා දකුණේ ජනතාව වශයෙන් ඊට සහාය දැක්වීමක් ලෙස සංකේතාත්මකව අදදින මෙම උද්ගෝෂණය මීගමුව බස්නැවතුම්පල ඉදිරිපිට සූදානම් කළ බව හර්මන් කුමාර මහතා පැවසීය.