නානායක්කාර පත් කිරීමට තීරණය කර ඇතැයි එජාප අභ්‍යන්තර ආරංචිමාර්ග පවසයි.
මෙවර මහ මැතිවරණයට ඉදිරිපත්ව පරාජයට පත්වූ කිසිවකු ජාතික ලැයිස්තුවෙන් පත් නොකිරීමට එජාප නායක රනිල් වික්‍රමසිංහ දැඩි තීන්දුවට එළඹ ඇත.
ඒ අනුව, ජාතික ලැයිස්තුව නියෝජනය කළ පුද්ගලයින් අතරින් ජනාධිපති නීතිඥ නිශ්ශංක නානායක්කාර, ජාතික ලැයිස්තු මන්ත්‍රී ලෙස හෙට දිනයේදී යෝජනා කර සම්මත කර ගැනීමට නියමිත බව එම පක්ෂයේ අභ්‍යන්තර ආරංචිමාර්ග වැඩිදුරටත් පවසයි.
ජ්‍යෙෂ්ඨ නීතිඥයකු වන නිශ්ශංක, යහපාලන ආණ්ඩුව සමයේදී ලිට්‍රෝ ගෑස් සමාගමේ හා මහජන බැංකුවේ සභාපති ලෙස කටයුතු කළේය.
ඒ මහතා පසුගිය රාජපක්ෂ රෙජීමය සමයේදී එජාපයට සම්බන්ධ නඩු වෙනුවෙන් පෙනී සිටිමින් පක්ෂය වෙනුවෙන් විශාල නීතිමය සහායක් ලබා දුන් අයෙකු ලෙස සැලකෙන අතර ආන්දෝලනාත්මක ‘කුරුඳු පොලු නඩුවේ’ දී මංගල සමරවීර ඇතුළු කණ්ඩායම වෙනුවෙන් පෙනී සිටින නීතිඥ කණ්ඩායමේ ප්‍රධානියා වන්නේ ද ඔහුය.
theleader.lk
