ක්‍රීඩා අමාත්‍ය ධූරය සඳහා නම් තුනක් යෝජනා වෙමින් තිබෙන බව දේශපාලන ආරංචි මාර්ග වලින් වාර්තා වේ.
ඒ යහපාලන ආණ්ඩුවේ සංචාරක, වන ජීවී හා ක්‍රීඩා අමාත්‍යවරයාව සිටි නවීන් දිසානායක. බදුල්ලෙන් වැඩිම මනාපගත් හරීන් ප්‍රනාන්දු හා එස්.බී. නාවින්න යන අයයි.
කෙසේවුවද ක්‍රීඩා විචාරකයන් පෙන්වාදෙන්නේ ඉතිහාසයේ සිට ක්‍රීඩා අමාත්‍ය ධූරයන්ට පත්කරනු ලැබුවේ ක්‍රීඩාව සම්බන්ධයෙන් නොදන්නා අය බවයි.
ඒ අතරින්ද, ක්‍රීඩාවට යමක් කළ අමාත්‍යවරයා ලෙස සැලැකිය හැක්කේ එස්.බී. දිසානායක මහතා බවත්, ඔහුද වැඩි උනන්දුවක් දැක්වූයේ මලල ක්‍රීඩා සම්බන්ධයෙන් පමණක් වීම නිසා එස්.බී. ද ක්‍රීඩාව සම්බන්ධයෙන් සාර්ථකම ඇමතිවරයකු නොවාන බව ඔවුන්ගේ හැඟීමයි.
කෙසේවුවද ක්‍රීඩා අමාත්‍යකමට මන්ත්‍රීවරු වැඩි දෙනෙකු පොර කන්නේ එය මාධ්‍ය අවධානය වැඩි වශයෙන් දිනාගන්නා විශයක් නිසා බවද පැවසේ.
