මීගමුවෙන් 2017 නොවැම්බර් 29 දින මුහුදුගිය සෙනුරි බෝට්ටුව අතුරුදහන් වී මාස 3ක් ගෙවී ඇතත් තමන්ට රජයෙන් වන්දියක් හෝ ප්‍රමාණවත් ආධාරයක් නොලැබුණ බව මෙම බහුදින යාත්‍රාවේ ගමන්කළ එක් ධීවර‍යෙකුවු අජිත් කුමාරගේ බිරිද වන පිළමිනා අපසමග පැවසීය. අජිත් කුමාරගේ දුවට මාස 7ක සහඅවුරුදු 2 ½ දරුවන් දෙදෙනෙකු සිටින අතර ඔවුන් ඉතා දුකසේ ජීවත්වනබවත්, පිළමිනාගේ අක්කා වන මරියා පවසයි.මීගමුව ධීවර කාර්්‍යාලයෙන් එක් මසකට පමණක් රු. 1200 ක බඩුමල්ලක් දුන්නද මේ වනවිට ඒ කිසිවක් නොලැබෙන බවත් ඇය තවදුරටත් පැවසීය. මීටපෙරද අප විසින් මෙමඅසරණ මිනිසුන්ගේ තත්වය වගකිවයුත්තන්ට දැනුම් දුන්නද අවශ්‍ය සොයා බැලීමක් කර නොතිබින. නැවතත් අප ඉල්ලා සිටින්නේ නෛතික දේවල් පසෙකලා ඔවුන්ගේ අසරණ කම ගැන සොයාබලා යම් පියවරක් ගන්නා ලෙසයි.
මීගමුවේ තිඛෙන ජාතික මෙන්ම ජාත්‍යන්තර ධිවර සංවිධාන නියෝජිතයෙක් හෝ ධීවරයින් ගේ වෘත්තිය සමිතියක් හෝ මෙම පවුල් බැහැදැකීමට මෙතෙක් පැමිණ නැති බවත් වාර්තා වේ.