වර්ථමානයේදී මුළු ලෝකයම දරුණු ස්වභාවික විපත් වලට යොමු වීමට පටන්ගෙන ඇති බව අප සියළු දෙනාම හොදින්ම අත්දැක ඇති කරුණක්. මිනිසාගේම වැරදි වලට මේ වන විට මිනිසාටම වන්දි ගෙවීමට සිදුවී අවසන්. විශේෂයෙන්ම වනාන්තර කපා දැමීම ස්වභාව ධර්මයට එරෙහිව මිනිසුන් සිදුකරන විශා වරදක්.එහි ආදීනව වශයෙන් වර්ෂාව අඩුවීම,නායයෑම් ඇතිවීම සිදුවීමට හැකි බව ශ්‍රී ලාංකිකයන් වහයෙන් අප පසුගිය දින කිහිපයේදී හොදින් අත්දැක්කා. නමුත් දැන් අප ඔබ වෙත ගෙන ඒමට සූදානම් වන්නේ අප කාටත් ආදර්ශයක්වන වැඩක් පිලිබදව කථාවක්. මේ සිදුවීඹ අපට වාර්ථා වන්නේ අසල්වැසි ඉන්දියාවෙන්.
ඉන්දියාවේ ජීවත් වන පැමලා මලාහෝත්‍රා හා අනිල් මල්හෝත්‍රා යුවල ලෝකයෙේ ජීවත් වන සියල්ලන්ටම ආදර්ශයක් වන ආකාරයෙන් ඉන්දියාවේ ඇති එකම පෞද්ගලික අභයභූමිය පවත්වාගෙන යනවා.SAI Sanctuary ලෙස හැදින්වෙන මෙම අභය භූමිය 1991 වසරේදී ඔවුන් විසින් මිලදී ගත් භූමි ප්‍රමාණයක ඔහුන් විසින්ම ගස් වවමින් මේ අභයභූමිය පවත්වාගෙන ගොස් තිබෙනවා. මේ වන විට අකක්ර 300ක පමණ භූමි ප්‍රමාණයක තර්ජනයට ලක්වූ ඝණයට ගැනෙන ශාක හා සතුන් විශාල ප්‍රමාණයක් මේ වන විට එම අභයභූමිය තුල ජීවත් වනවා. ඒ අතරට ආසියානු අලියන් හා බෙන්ගාලිකොටියන්ද අයත්.
ඔවුන් මේ භූමිය මිලදී ගන්නා අවස්ථාවේදී මේ භූමිය අත්හැරදැමූ කුඹුරු,හේන්,වැනි දේවල් වලින් සමන්විතවී තිබී ඇති අතර ඒ භූමිය ඉතාමත් දූෂණයට ලක්වී තිබී ඇති බවත් එම භූමිය මේ තත්වයට පත් කිරීමට විශාල ශක්තියක් හා කාලයක් ගතවූ බවත් මේ අභය භූමියේ හිමිකරුවන් වන පැමලා පවසනවා.
පහතින් දැක්වෙන ඡායාරූප ඔවුන්ගේ උත්සාහය හා කැපවීමේ ප්‍රථිඵල ඔබට දැක ගැනීමට ඉඩ සලස්වනු ඇති.
http://www.boredpanda.com ඇසුරිණි.
