2016 සැප්තැම්බර් 10 වනදා පැවැත්වීමට නියමිත වෙන්නප්පුව ජෝශප් වාස් විද්‍යාලීය පා ගමන පිළිබඳව දැනුවත් කිරීමේ මාධ්‍ය හමුවක් අද (27 ) වනදා පැවැත්විණි. මේ වන විටත් ඉදිවෙමින් පවතින වෙන්/ශා. ජෝශප්වාස් විද්‍යාලයේ නව ගෘහස්ත ක්‍රීඩාංගනය ඉදිකිරීමේ කටයුතු අවසන් කර ගැනීම වෙනුවෙන් අරමුදල් සම්පාදනය කරගැනීම සඳහා මෙම පාගමන සංවිධානය කිරීමේ අරමුණ වී තිබේ. වෙන්නප්පුව ශා. ශෝශප් වාස් විද්‍යාලය ඉදිරිපිටින් පෙ.ව. 8.30 පමණ ආරම්භ වන මෙම පාගමන කටුනේරිය දේවස්ථානය අසලින් නැවත හැරී නැවත ශා.ජෝශප්වාස් විද්‍යාලයට පැමිණීමට නියමිතය.
මෙම පා ගමනට සමගාමීව සැප්තැම්බර් මස 03 වනදා මෝටර් රථ රැළියක් සහ සංගීත සංදර්ශනයක් වෙන්නප්පුවේදී පැවැත්විමට කටයුතු යොදා තිබේ.
මෙම මාධ්‍ය හමුව සඳහා ශා.ජෝශප්වාස් විද්‍යාලයේ විදුහල්පති ගරු ප්‍රියන්ජිව ගුණරත්න පියතුමා සහ වෙන්නප්පුව දිසාවේ ක්‍රිස්තියානි අධ්‍යන කටයුතු භාරව ගරු කුවින්ටස් පියතුමා ඇතුළු ශා/ජෝශප් වාස් විද්‍යාලයේ ආදි ශිෂ්‍ය සංගමයේ සාමාජිකයන්ද සහභාගී වී සිටියහ.
ඡායාරූප – තුෂාර රොහාන්
