(11.45 am )තරුණියකට ලිංගික අතවරයක් කළැයි චෝදනා එල්ලවි ඇති වෛද්‍යවරයා ඊයේ දිනයේදි පවා මිගමුව රෝහලේ බාහිර ප්‍රතිකාර අංශයේ සේවයේ නිරතව සිටි බව අප හෙළිකලෙමු .එය සැබැවින්ම විමතිය දනවන කරුණක්ම විය.
කෙසේ වෙතත් වහා ක්‍රියාත්මකව ඇති රෝහල් පරිපාලනය අභ්‍යන්තර විමර්ශණ කටයුතු නිමකෙරෙන තෙක් චෝදනා ලැබ සිටින වෛද්‍යවරයාගේ රෝගි සත්කාරක සේවය අත්හිටුවා ඇතැයි දැනගන්නට තිබේ.මේ වෙනුවෙන් විශේෂ විමර්ශන කමිටුවක්ද නම්කර ඇති බව රෝහල් ආරංචි මාර්ග දක්වා සිටි.
මිගමුව රෝහලට පැමිණ සිටින වත්මන් අධ්‍යක්ෂකවරිය අපක්ෂපාතිව සෘජු තිරණ ගනිමින් තිබිම සැබැවින්ම අප අගය කළ යුතුව තිබේ.
මෙවැනි වෛද්‍යවරුන් පිලිබදව වෛද්‍ය සභාව පවා නිසි පියවර ගනු අතැයි යන්න අපගේ අපේක්ෂාවයි.
මේ අතර අදාල වෛද්‍යවරයාට එරෙහිව පොලිසිය ගනු ලබන ක්‍රියාමාර්ග කවරේද යන්න ගැන මිගමුවේ බොහෝ දෙනෙකු දැඩි විමසිල්ලකින් පසුවෙති.
අනුරාධපුර රෝහලේ වෛද්‍යවරියකට ලිංගික අතවර කළ තැනැත්තා සොයා දැවැන්ත මෙහෙයුම් ක්‍රියාත්මක කළ හැටි මාධ්‍ය වාර්තා කර තිබුණි. එහෙත් මිගමුව පොලිසියේ බලධාරින් තවමත් වටේ යන බව පෙනේ.
