….
ටවර් හෝල් රඟහල පදනම මගින් පාසල් ළමුන් සඳහා ඉදිරිපත් කරනු ලබන රසවින්දන වැඩසටහන් මාලාවේ තවත් වැඩසටහන් දෙකක් එළඹෙන ජුලි 16 සහ 17 යන දෙදින තුලදී පැවැත්වීමට කටයුතු සංවිධානය කර ඇත.
ඒ අනුව, මෙම අධ්‍යාපනික රසවින්දන වැඩසටහන, එළඹෙන ජූලි 16 වැනිදා පෙරවරු 10.00 ට සූරියවැව ජාතික පාසලේ පූර්ණ අනුග්‍රහයෙන්, සූරියවැව නගර ශාලාවේදී පැවැත්වේ.
එලෙසම එළඹෙන ජුලි 17 වැනිදා පෙරවරු 9.30 ට ගාල්ල, රත්ගම ,දේව පතිරාජ විද්‍යාලයේදී ද මෙම අධ්‍යාපනික රසවින්දන වැඩසටහන පැවැත්වීමට නියමිතයි.
එම වැඩසටහන සංවිධානය කරන්නේ එම විද්‍යාලීය සිංහල හා සෞන්දර්ය අංශය විසිනි. මෙම අධ්‍යාපන රසවින්දන වැඩසටහන, කථිකාචාර්ය , ප්‍රවීණ රංගන ශිල්පී ප්‍රසන්නජිත් අබේසූරිය මහතා ඇතුළු ප්‍රවීණ රංගන ශිල්පීන්ගේ සහභාගිත්වයෙන් සිදු කරනු ලබයි.
