තරුණයන් ප්‍රතිපත්ති සම්පාදනයට දායක වීම විප්ලවිය කාරණයක් බව පාර්ලිමේන්තු මන්ත්‍රීවරුන් වන රාජිත සේනාරත්න, මනෝ ගනේෂන්, නීතිඥ දයාසිරි ජයසේකර, නීතිඥ ප්‍රේම්නාත් සී. දොලවත්ත යන මහත්වරුන් සහ හිටපු පළාත් සභා මන්ත්‍රීවරුන් වන වරුණ රාජපක්ෂ සහ නීතිඥ ශිරාල් ලක්තිලක යන මහත්වරුන් පවසයි.
ඔවුන් මෙම අදහස් පලකරේ ශ්‍රී ලංකාවේ සිදුවිය යුතු අත්‍යවශ්‍ය රාජ්‍ය ප්‍රතිසංස්කරණයන් පිළිබඳව විද්වත් සහ මහජන අදහස් ගොනු කරමින් ප්‍රජාතාන්ත්‍රික ප්‍රතිසංස්කරණ සඳහා වන ජනතා ව්‍යාපාරය (PMDR) තවත් සිවිල් සහ තරුණ සංවිධාන සහ ගාලු මුවදොර අරගලයේ ක්‍රියාකාරීව සිටි තරුණ කණ්ඩායම් එකතුව සකස් කර තිබු ප්‍රතිපත්ති මාලාව එළිදැක්වීමේ අවස්ථාවට එක්වෙමිනි.
එහිදී බලය බෙදා හැරීම, මැතිවරණ ප්‍රතිසංස්කරණ, සංක්‍රාන්ති යුක්තිය සහ සංහිඳියාව, ආණ්ඩුක්‍රම ව්‍යවස්ථා ප්‍රතිසංස්කරණ, පළාත් පාලන ප්‍රතිසංස්කරණ, රාජ්‍ය සේවා ප්‍රතිසංස්කරණ, මාධ්‍ය නීති ප්‍රතිසංස්කරණ, ශ්‍රී ලංකාවේ ඩිජිටල්කරණය සහ අනාගතය යන විෂය කලාප ඔස්සේ ප්‍රතිපත්ති මාලාව එලි දැක්වූ අතර දිවයින පුරා තරුණ සංවිධාන 20ක තරුණ තරුණියන් 14,000කට අධික පිරිසකගේ සහභාගීත්වයෙන් සකස් කර තිබු එම ප්‍රතිපත්ති මාලාව සඳහා සීමා නිර්ණය කොමිසමේ සභාපති, මැතිවරණ කොමිසමේ හිටපු සභාපති මහින්ද දේශප්‍රිය, කීර්තිමත් පරිපාලන සේවා නිලධාරියෙක් වන පියතිස්ස රණසිංහ, කීර්තිමත් සැලසුම් සේවයේ නිලධාරියෙක් වන සම්පත් මල්ලවආරච්චි, ආචාර්ය නිමල්කා ප්‍රනාන්දු, ආචාර්ය රංග කලන්සුරිය, නීතිඥ අකලංක හෙට්ටිආරච්චි, මාධ්‍යවේදී විමුක්ති දුෂාන්ත විසින් සම්පත් දායකත්වය ලබා දී තිබේ.
සංවිධාන සමුහය වෙනුවෙන් වෙනුවෙන් උසාමා ලියව්දීන්, කේ. අර්ජුන, අයේෂා රිල්වානා සහ ඉෂාරා මධුවන්ති යන තරුණ තරුණියන් ද අදහස් පළකළහ.
ප්‍රජාතාන්ත්‍රික ප්‍රතිසංස්කරණ සඳහා වන ජනතා ව්‍යාපාරය (PMDR), ගාළු මුවදොරින් ඔබ්බට සාමුහිකය (Next Step), ප්‍රජාතන්ත්‍රවාදය හා කලාපීය බලගැන්වීම සඳහා දකුණු ආසියානු මධ්‍යස්ථානය (SACRED), ප්‍රජාතන්ත්‍රවාදී තරුණ කොන්ග්‍රසය, ප්‍රජාතන්ත්‍රවාදය සදහා තරුණයෝ, View – මැතිවරණ නිරීක්ෂණ ජාලය , අයිතිවාසිකම් හඬ, SCCF, හරිත උදය, හෙට දවස සංවිධානය, ජනතාව සඳහා වගකීම (C2), සමාජ සමානාත්මතාවය සඳහා තරුණ හඬ, සමාජ සුභසාධනය උදසා ජනතා සංගමය (PUSW), KITE තරුණ සංවිධානය, අයිඩියල් හබ්, Black Cap Movement, AFRIEL තරුණ ජාලය, ජනතා පදනම සහ සහභාගීත්ව ප්‍රජාතන්ත්‍රවාදය උදෙසා තරුණ එකමුතුව (YIPD) යන සංවිධාන ඒකාබද්ධව මෙම අවස්ථාව සංවිධානය කර තිබිණ
