මිගමුව රෝහලේ බාහිර රෝගී අංශයට ප්‍රතිකාර ලබා ගැනිම සඳහා ගිය තරුණියකට රෝහලේ වෛද්‍යවරයකු විසින් ලිංගික අතවරයක් කර ඇතැයි බරපතල චෝදනාවක් මේ වන විට එල්ල වි තිබේ.
අදාල තරුණිය මේ පිලිබදව මිගමුව රෝහලේ වෛද්‍ය අධිකාරිතුමිය වෙත ලිඛිත පැමිණිල්ලක්ද කර ඇති බව වාර්තාවේ.
ඇයගේ පැමිණිල්ලට අදාල පරික්ෂණ සිදුකිරිම සඳහා මේ වන විට මිගමුව රෝහලේ නේවාසිකව වාට්ටුවකට ඇයව ඇතුලත් කර ඇත.
අදාල වෛද්‍යවරයා මෑතක මිගමුවේ රෝහලට පැමිණි අයෙකු බවද සැලය.
2007 වසරේදි එවකට සිමාවාසික වෛද්‍යවරයකු වු සුදර්ශණ බාලගේ නැමැත්තා මිගමුව රෝහලෙන් ප්‍රතිකාර ලබාගැනිමට පැමිණි තරුණියෙකුව දුෂණය කොට රෝහලේ 6වෙනි තට්ටුවෙන් පහලට ඇද දමා ඝාතනය කොට තිබුණි.
මෙම සිදුවිමට පෙර අවස්ථා කිපයකදිම මිගමුව රෝහල තුලදි මෙම සුදර්ශන බාලගේ විසින් කාන්තාවන් හට විවිධ ලිංගික අතවර කර තිබුන බවට චෝදනා එල්ල වි තිබුනද එවකට සිටි රෝහල් පරිපාලනය ඔහුට විරුද්ධව නිසි ක්‍රියාමාර්ග ගෙන තිබුනේ නැත.
එබැවින් වත්මන් රෝහල් පරිපාලන පැරණි වැරදි වලින් පාඩම් ඉගෙන ගෙන පක්ෂපාති නොවි නිසි ක්‍රියාමාර්ග ගත යුතුව තිබේ.
චෝදනා ලැබ සිටින වෛද්‍යවරයා බේරාගැනිමට ඇතැම් වෛද්‍යවරුන් යම් උත්සාහයක නිරතව සිටි බවටද කසුකුසු පැතිර යමින් තිබේ.
මිගමුව රෝහලේ වෛද්‍ය අධ්‍යක්ෂකතුමිය කඩිනමින් අපක්ෂපාතීව කටයුතු.කරනු ඇතැයි අප ඉතාමත් විමසිල්ලෙන් යුතුව බලා සිටින්නෙමු.
