මේ සම්බන්ධයෙන් ධීවර කාර්යාලයේ අධ්‍යක්ෂකවරයාගෙන් අප කරන ලද විමසීමකදී ඔහු කියා සිටියේ තහනම් දැල් අත්අඩංගුවට ගැනීමට මුහුදේ යාත්‍රා කළ යුතු අතර ඒ සදහා නාවික හමුදාවත් ,පොලීසියත් සහභාගී කරගෙන යා යුතු අතර මෙසේ වැටලිම් සදහා යන විට බොහෝ අවස්ථාවන් වල ඔවුන්ට ඔත්තුව ගොස් හමාර බවයි. නමුත් මාර්තු මාසයේ වැටලීම් සදහා සංචාර දෙකක් සිදුකර ඇති බවත් ඒවාහිදී මෙම පෝඩු දැල් භාවිතා කර ධීවර රැකියාවේ යෙදෙන කිසිවකුත් හසුවී නැති බවත් ඔහු පැවසීය. එහෙත් ඉදිරියේදී ද පෝඩු දැල මෙන්ම තහනම් දැල් පන්න භාවිතා කරන්නන් අත්අඩංගුවට ගැනීමට කලපුවේ මෙන්ම මුහුදේ ද වැටලීම් සිදුකරන බව ඔහු පවසයි. මෙම තහනම් දැල් පන්න භාවිතා කරමින් ධීවර කර්මාන්තයේ යෙදනේනන් සම්බන්ධයෙන් කෙතරම් හෝඩුවාවන් තිබුණත් ඔවුන්ව මුහුදේදී අත්අඩංගුවට ගෙන මිස ගොඩබිමදී අත්අංඩගුවට ඔවුන්ට නඩු පැවරිය නොහැකි බව අධ්‍යක්ෂකවරයා තවදුරටත් පවසන ලදී.
