එමෙන්ම මෑත කාලීනව තේරීම් කමිටු තීරණ මගින් දැඩි ලෙස අසාධාරණයට ලක්වූ ක්‍රීඩකයන් කිහිපදෙනා අතරින් එක් අයෙකු ලෙසද දසුන්ව හැදින්වීමේ වරදක් නැත.
කණ්ඩායමේ ස්ථානයක් හිමිවූ බොහෝමයක් අවස්තාවල සිය කණ්ඩායමට සාධාරණයක් ඉෂ්ඨ කල දසුන් ජාත්‍යන්තර ලීග් තරගවලදී මෙන්ම දේශිය තරගවලදීද කැපී පෙනෙන දක්ෂතාවයන් පෙන්වීමට සමත් විය.
එහෙත් කණ්ඩායමේ තුන් ඉරියව් ක්‍රීඩකයන් දිගින් දිගටම අසාර්ථක වන විටවත් දසුන්ට අවස්ථාවක් ලබාදීමට තේරීම් කමිටුව උත්සහ නොකිරීම ඇත්තෙන්ම ප්‍රශ්ණාර්ථයක්ව පැවතියේය.
ශ්‍රිලංකාව හා බංග්ලාදේශය අතර පැවැත්වුන එක්දින ක්‍රිකට් තරගාවලියේ ලසිත් මාලිංගගේ හිස්තැන පිරවීමට දසුන්ව කණ්ඩායමට කැදවූවත් දෙවන තරගයේදී දසුන්ට අවස්තාවක් හිමිවුයේ නැත.
එකි තරගාවලියේ තුන්වන හා අවසන් එක්දින තරගයේදී කණ්ඩායමේ ස්ථානයක් ලද දසුන් මේ වන විට තේරීම් කමිටුවට ටොකු පිට ටොකු අනිමින් සිටින ආකාරය අපට දැකගත හැකිය. පන්දුවට පහර දෙමින් කණ්ඩායමට අවශ්‍යම මොහොතේ පන්දු 14කින් ලකුණු 30ක් රැස් කල දසුන් තමන්ගේ සුපුරුදු පිතිහරඹයෙන් තේරීම්කමිටුව නිරුත්තර කිරීමට සමත් විය.
එපමණක් නොව එදා සිය පන්දුවෙන් කණ්ඩාමට දැඩි සාධාරණයක් ඉටු කරමින් සිටින දසුන් කඩුළුද දවා ගත්තේය.
කෙසේ හෝ තමන්ට අවස්තාවක් ලද අවස්ථාවේදී කණ්ඩායමේ තුන්ඉරියව් ක්‍රිඩකයාගේ ස්ථානයට තමන් ගැලපෙන බව දසුන් මේ වන විට පුන පුනා ඔප්පු කරමින් සිටියි.
තුන්ඉරියව් ක්‍රිඩකත්වය පමණක් නොව ජේෂ්ඨ ක්‍රිඩකයන් නොගිය නිසාවෙන් පකිස්ථාන සංවාරයේදි විස්සයි විස්ස කණ්ඩායමේ නායකත්වය ලබා ලෝකයේ සිටින අංක ඒකේ කණ්ඩායම පරාජය කිරිම තරම් ශක්තියක් ඒ නායකත්වයෙන් පකිස්ථානයට ගිය යොවුන් කණ්ඩායමට ඇතැයි දැන් පෙන්වා හමාරය.
දසුන් අපි උඹට හුඟක් ආදරෙයි!
මිගමුවේ නමත් රටේ නමත් ඉහලින්ම උසවා තැබු දසුන්ට මිපුර අපේ සුභපැතුම් !
