අග්‍රාමාත්‍ය රනිල් වික්‍රමසිංහ මහතා මේ දිනවල ඕස්ට්‍රේලියාවේ නිල සංචාරයක නිරත වී සිටින අතර එහිදී ඕස්ට්‍රේලියානු අග්‍රාමාත්‍යවරයා රනිල් වික්‍රමසිංහ මහතා එක්ව සහභාගී වු මාධ්‍ය සාක්ච්ඡාවකදී දැනට ඕස්ට්‍රේලියාවේ සංක්‍රමණික කදවුරු වල ජීවත් වන නීති විරෝධීලෙස ඕස්ට්‍රේලියාවට යාමට උත්සහ කිරීමේදී අත්අඩංගුවට ගත් සියළුම ශ්‍රීලාංකිකයන්ට නැවතත් දිවයිනට පැමිණීමට විවෘත ආරාධනයක් කරන බව ප්‍රකාශ කර සිටියේය.
එහිදී අදහස් දැක්වූ ඕස්ට්‍රේලියානු අග්‍රාමාත්‍යවරයා කියා සිටියේ ඉදිරියේදී ශ්‍රීලංකාව සමග ඇති සබදතාවයන් වඩාත් ශක්තිමත් කිරීමට පියවර ගන්නා බවයි. අධ්‍යාපනය, ආර්ථික,ආයෝජන,තාක්ෂණික හා බලශක්තිය වැනි ක්ෂේත්‍රවලින් මෙම සබදතාවයන් ශක්තිමත් කිරීමට තම රාජ්‍යෙය් බලාපොරොත්තුව බවත් වැඩි දුරටත් ප්‍රකාශ කර සිටියේය.
