මෑතකදී ප්‍රභූවරයකුගේ රථවාහන රථ පෙලකට විරෝධය පෑමේ සිද්ධියට සම්බන්ධ යැයි කියන පුද්ගලයෙකු අත්අඩංගුවට ගැනීම පිළිබඳ එක්සත් ජාතික පක්ෂය දැඩි කනස්සල්ලට පත්ව සිටී. මාධ්‍ය වාර්තාවලට අනුව මෙම මහජන උද්ඝෝෂණය සංවිධානය කිරීම සඳහා වගකිව යුතු අය ලෙස මෙම පුද්ගලයා පොලිසිය විසින් හඳුනාගෙන තිබේ. මෙම පුද්ගලයා අත්අඩංගුවට ගැනීමට හේතුව කුමක්දැයි පැහැදිලි කරන ලෙස එක්සත් ජාතික පක්ෂය අද (අප්‍රේල් 30) මාධ්‍ය නිවේදනයක් නිකුත්කරමින් රජයෙන් ඉල්ලා සිටී. සමාජ මාධ්‍යවල සංස්රණය වී ඇති වීඩියෝ පටයකට පොලීසිය ප්‍රතිචාර දක්වා ඇති අතර ඔහු පසුකර යන ප්‍රභූ රථ පෙලකට මෝටර් රථ රියදුරන් නලා ශබ්ද කරන අයුරු දැක්වේ.
ප්‍රභු රථ පෙළට විරෝධය පළකරන විඩියෝ https://www.facebook.com/plugins/video.php?height=476&href=https%3A%2F%2Fwww.facebook.com%2F1804654542891239%2Fvideos%2F366987671350315%2F&show_text=false&width=264
විදේශීය සම්භාවනීය අමුත්තන් රැගෙන යාමේ ආරක්ෂක කටයුතු අඩාල කළ නොහැකි බව වටහාගෙන සිටියද ප්‍රභූවරයාට හෝ සෙසු පුරවැසියන්ට කිසිදු තර්ජනයක් නොවූ බව පෙනේ. මෙම පුද්ගලයා අත්අඩංගුවට ගෙන ඇත්තේ කුමන චෝදනා යටතේද යන්න සහ මෙම ක්‍රියාවන් මගින් ප්‍රභූවරයාට කිසියම් තර්ජනයක් එල්ල වී තිබේද නැද්ද යන්න පොලීසිය විසින් තහවුරු කළ යුතුය. එක්සත් ජාතික පක්ෂය විසින් සිහිපත් කරනුයේ, 2019 මැයි මාසයේදී වත්මන් අග්‍රාමාත්‍යවරයා ප්‍රකාශ කළේ, “ප්‍රභූ වාහන ගමන් සඳහා මාර්ග වසා දැමීමට එරෙහිව මහජනයා දක්වන අප්‍රසාදය, නොකඩවා නලා හඩ නඟමින් සිදු කරන ක්‍රියාකාරකම් රජයේ ප්‍රතිපත්තිවලට ප්‍රතිචාරයක්” බවයි. එම අවස්ථාවේදී එවකට එක්සත් ජාතික පක්ෂ නායකත්වයෙන් යුත් රජය මහජන කෝපය මැඩපැවැත්වීම සඳහා කිසිදු ආකාරයක නීතිමය ක්‍රියාමාර්ගයක් ගත්තේ නැත. මෙම අත්අඩංගුවට ගැනීම මගින් පෙන්නුම් කරන්නේ මෙම රජයේ අනාරක්‍ෂිත බව සහ ඕනෑම ආකාරයක මහජන විරෝධයක් ඉවසා සිටීමට නොහැකි බවයි. කතා කිරීමේ නිදහස සහ අදහස් ප්‍රකාශ කිරීමේ නිදහස තහවුරු කරන ලෙස එක්සත් ජාතික පක්ෂය අද (අප්‍රේල් 30) නිකුත්කර ඇති නිවේදනය මගින් රජයට බලකර සිටියි.
theleader.lk
