මීගමුවේ වෙරළ යනු පාරිම්පරික ධිවරයාගේ නිජභූමියයි.අනාධිමත් කාලයක පටන් ධීවරයන් සිය රැකියා කටයුතු නිදහසේ සිදුකරගෙන ගියද විශේෂයෙන්ම මෑතභාගයේ සිට සිය වෙරළේ ඉඩම් අයිතියට කනකොකා හඩන්නට පටන් ගත්තේය.
පරිපාලන අධිකාරිය දේශපාලන අධිකාරියට යටත්විමත් සමගින් ජනතා අයිතින් වලපල්ලට යන්නට පටන්ගැනුනේ මේ රටේ සියළු ක්ෂේත්‍ර හරහාය.
විශේෂයෙන්ම මීගමුවේදි මෙය වඩාත් දරැණු වන්නේ ඇතැමි රාජ්‍ය නිලධාරින් සිය වැරැදි වසා ගැනිම සදහා දේශපාලනය අධිකාරිය හා කරට අත දමාගැනිමත් සමගම ය.
මීගමුවේ ධීවර සංගමයක් විසින් වසර 20 කටත් අධික කාලයක් පරිහරණය කරන ලද පර්චස් 40 ක භූමිභාගයක පිහිටි ප්‍රජා ශාලාව සිය ධිවර සමිතියේ කටයුතු සදහා මෙන්ම කුඩා දරුවන්ගේ පෙරපාසැල් කටයුතු සදහාද මේ ශාලව යොදා ගැනුණි.ඒ වෙනුවෙන් වු ප්‍රකාශිත ඔප්පුවක්ද ධීවර සමිතිය සතුය.1995 දි එවකට ධීවර ඇමැතිවරයා වු ඉන්දික ගුණවර්ධන මහතා විසින් එය විවෘත කරන ලද ඵලකයද මීට සාක්ෂි දරණු ලබයි.
එහෙත් දැනට දින කිපයක සිට ඒ තැන ඔවුන්ට අහිමිවෙන ලකුණු දැනෙන්ට පටන්ගෙනය.ඔවුන් සැක කරන්නේ
ප්‍රදේශයේ දේශපාලන අධිකාරිය මේ ඉඩම් කොටස හෝටල් හිමියෙක් වෙත ලබාදෙන්නට පියවර ගනිමින් සිටින බවය.මෙයට විරෝධය පළ කරමින් ධීවර පවුල් විසින් 2012 මැයි 17 වනදා සමාකාමි විරෝධයක් දක්වමින් අසා සිටියේ දේශපාලන්ට වඩා වැදගත් කව්රුන්ද යන්නයි.