පොලිසිය නිතිය වල් වැදි ඇති නිසාම වෙසක් පෝ දා අහිංසක සුනඛයෙකු පවා වෙඩි තබා ඝාතනය කොට නිදැල්ලේ සිටිමට දැන් මිගමුවේ ඉඩක් කඩක් නිර්මාණය වි ඇත්තේ මිගමුව තුල නිතිය හා සාමය පවත්වාගෙන යන පොලිස් ලොක්කයන්ගේ තරම රටටම කියා දෙමිනි.
මේ පොලිසිය ගැන ඊයේ පැවැති නඩු විභාගයේදිද දිර්ඝ කරුණු දැක්විමක් නියෝජ්‍ය සොලිසිටර් ජනරාල් දිලීප පීරිස් මහතා මීගමුව වැඩබලන මහෙස්ත්‍රාත් ඉන්දික සිල්වා මහතා හමුවේ කර තිබුණි.
ඒ පිලිබදව කරුණු සහිත වාර්ථාවක් අද ලංකාදිප වෙබ් අඩවිය විසින්ද පළකර තිබේ.
මීගමුව බන්ධනාගාරය තුළ සිදුවු දුෂණ ක්‍රියා සම්බන්ධයෙන් අත්අඩංගුවට ගන්නා ලෙස නියම කළ මීගමුව හිටපු බන්ධනාගාර අධිකාරීවරයා ඇතුළු නිලධාරීන් අත්අඩංගුවට ගැනීම සඳහා වරෙන්තු නිකුත් කොට දින 07 ක කාලයක් ගතවුවත් ඔවුන් අත්අඩංගුවට ගැනීමට කටයුතු නොකිරීම පිළිබඳ පොලිසියේ ක්‍රියාකලාපය නියෝජ්‍ය සොලිසිටර් ජනරාල් දිලීප පීරිස් මහතා මීගමුව වැඩබලන මහෙස්ත්‍රාත් ඉන්දික සිල්වා මහතා හමුවේ අද (29) දැඩිලෙස දෝෂ දර්ශනයට ලක් කළේය.
නීතීපතිවරයා නියෝජනය කරමින් පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් දිලීප පීරිස් මහතා අධිකරණය අමතමින් මෙම සිද්ධියේ සැකකරුවන් සිව්දෙනා අත්අඩංගුවට ගන්නා ලෙස මීට දින 07 කට ඉහතදී නියම කොට ඇතැත් ඔවුන් කිසිවෙකුත් අත්අඩංගුවට ගැනීමට පොලිසියට හැකීවී නැතැයි පෙන්වා දුන්නේය.
දුෂිත බන්ධනාගාර නිලධාරීන් හා එක්ව පොලිසිය සමුහ ව්‍යාපාරයක්
පොලිස් ආඥා පනත අනුව අධිකරණ නියෝග අනුව කටයුතු නොකරන නිලධාරීන්ට එරෙහිව කටයුතු කිරීමට හැකියාව ඇති බවත් මෙම සැකකරුවන් අත්අඩංගුවට ගැනීමට පොලිසිය කටයුතු කර නැත්තේ පොලිස් ආඥා පනතේ 80 වැනි වගන්තිය යටතේ දැක්වෙන බියසුළුකම යටතේ නම් බියසුළු පොලිස් නිලධාරීයාගේ මාස 12 කට සරිලන වැටුපද මාස 12ක සිරදඬුවමක්ද ලබාදිය හැකි බව පෙන්වා දුන් නියෝජ්‍ය සොලිසිටර් ජනරාල්වරයා ධනවත් අයට එක නීතීයකුත් දුප්පතුන්ට තව නීතීයකුත් ක්‍රියාවේ පෙදවීමට පොලිස්පතිවරයා ප්‍රමුඛ පොලිස් දෙපාර්තමෙන්තුව ක්‍රියා කළහොත් එය නීතීයේ ආධිපත්‍යයේ මළගම බවත් සමහර නිලධාරීන් එයට අධිකරණයත් පාර්ශවකරුවන් කරගැනීමට උත්සහ කරන්නේ යැයිද කීය.
පොලිසියේ අකාර්යක්ෂමතාවය නිසා කැලේ නිතිය ජනතාව අතට ගනයිද ??
මෙහෙම ගියොත් සාමාන්‍ය මිනිසුන් කැති පොලු අරගෙන ‘කැලේ නීතීය’ හදන්නත් ඉන් යුක්තිය ඉෂ්ඨ කරවා ගැනීමට උත්සහ කරන කාලය වැඩි ඈතක නොවේ යැයිද අවධාරණය කළ නියෝජ්‍ය සොලිසිටර් ජනරාල් දිලීප පීරිස් මහතා එයට පොලිසියේ මෙම ක්‍රියාකලාපය වගකිය යුතු බවද වැඩිදුරටත් අවධාරණය කළේය.
ආණ්ඩුවේ බෝඩිම වශයෙන් ජනතාව හඳුන්වන බන්ධනාගාරයේ රඳවා සිටින අපරාධකරුවන් රජයේ ආරක්‍ෂාව මධ්‍යයේ සිට රජයේ වියදමින් ලබාදෙන ආහාර ගෙන ඒ තුළ සිට ජනාධිපතිවරයාට, ආරක්‍ෂක ලේකම්වරයාට, බන්ධනාගාර අධිකාරී උඩුවර මහතා ඇතුළු නීතීගරුක නිලධාරීන්ට තර්ජන එල්ල කිරීමට පටන් ගෙන ඇතැයිද අපරාධකරුවන් දුෂිත බන්ධනාගාර නිලධාරීන්ගේ ආරක්‍ෂාව හා උදව් උපකාර මත විස්කි බිබී, ගංජා උරමින් ව්‍යාපාර කටයුතු කරගෙන යන අන්දමක් පෙනේනට ඇතැයිද කීය
නිල ඇඳුමක් අඳින සියළු දෙනාම එම නිල ඇඳුමේ ගරුත්වන ආරක්‍ෂා කරනවද ?
පොලිස් නිලධාරීන්, බන්ධගාර නිලධාරීන් මෙන්ම නිල ඇඳුමක් අඳින සියළු දෙනාම එම නිල ඇඳුමේ ගරුත්වන ආරක්‍ෂා කිරීමට කටයුතු නොකළහොත් රට අරාජික වන්නේ යැයිද මීගමුව බන්ධනාගාරයේ සිටි නිලධාරීන්ගේ දුෂිත භාවය පෙන්වා දීමට ඇති හොඳම සාක්කිය වන්නේ එම බන්ධනාගාරයේ නියාමකවරයකු පොලිසියට ප්‍රකාශයක් ලබාදෙමින් තමන්ගේ රැකියාව ආරක්‍ෂා කර ගන්න මසකට රුපියල් ලක්‍ෂයක කප්පමක් බන්ධනාගාර අධිකාරීවරයාට ගෙවීමට සිදුවී ඇති බවට කළ ප්‍රකාශය යැයිද කී නියෝජ්‍ය සොලිසිටර් ජනරාල් දිලීප පීරිස් මහතා මේ තත්වය හේතූවෙන් බන්ධනාගාර අධිකාරීවරයා වත්කම් සොයා ගත් ආකාරය සෙවීම සඳහා විමර්ශන ආරම්භ කොට ඇතැයිද කීය.
අපරාධකරුවන් සහ මීගමුව බන්ධනාගාරයේ ඇතැමි නිලධාරීන් එක්වී අපරාධ වලින් මුදල් ඉපැයීම සඳහා සමුහ ව්‍යපාරයක් පවත්වාගෙන ගොස් ඇතැයිද මෙම අපරාධයට සම්බන්ධ නිලධාරීන් එම සමඟ ව්‍යාපාරයේ අධ්‍යක්‍ෂ මණ්ඩලය වන්නේ යැයිද කී දිලීප පීරීස් මහතා මේ තත්වය මත මෙම විමර්ශනය සඳහා අපරාධ පරීක්‍ෂණ දෙපාර්තමෙන්තුව බාර නියෝජ්‍ය පොලිස්පතිවරයා හෝ පොලිස්පතිවරයා මෙම අධිකරණයේ පෙනී සිට මෙම විමර්ශනයට අදාළ ප්‍රගතිය වාර්තා කළ යුතු බවද පෙන්වා දුන්නේය.
සැකකරුවන් වෙනුවෙන් නීතීඥවරු කණ්ඩායමක් සමඟ පෙනී සිටි ජනාධිපති නීතීඥ උපුල් ජයසුරිය මහතා තම සේවාදායකයින් අත්අඩංගුවට ගැනීම සඳහා මෙම අධිකරණය වරෙන්තු නිකුත් කොට ඇත්තේ පොලිසිය ඉදිරිපත් කළ වාර්තා වල අඩංගු කරුණු වැරදි ලෙස වටහා ගෙන බවත් කෙසේ නමුත් තම සේවාදායකයින් මීගමුව බන්ධනාගාරයේ රඳවා තැබීමට නියම කරන්නැයි ඉල්ලා සිටියහ.
එම අවස්ථාවේ යළි අධිකරණය ඇමතූ නියෝජ්‍ය සොලිසිටර් ජනරාල් දිලීප පීරීස් මහතා මෙම සැකකරුවන් විශේෂ ගණයේ අපරාධකරුවන් රඳවා සිටින බුස්ස රැඳවුම් කඳවුරුට යැවිය යුතුයැයි කීය.
ඉදිරිපත් වු කරුනු සළකා බැලීමෙන් අනතුරුව අදාළ නියෝග නිකුත් කළ මහෙස්ත්‍රාත්වරයා මෙම පැමිණිල්ල ලබන මස 04 වැනිදා යළි කැඳවීඹට නියම කළේය..
මුලාශ්‍රය -lankadeepa.lk
