මත්ද්‍රව්‍ය රටින් තුරන් කරන බවට කියන කථා පසුගිය දිනවල T V චැනල්වලින් ඕනෑතරම් අසන්නට සහ දකින්නට ලැබිණ.
මේ කථා වලින් වැඩිපුරම අදහස් දැක්වූයේ රටේ ජනාධිපති වරයාය.
මේ සඳහා උපරිම දඬුවම් ලබාදිය යුතු බවට ඔහු ප්‍රකාශ කරයි.
නමුත් මේ කිසිවක් ගනන් නොගන්නා අරක්කු සහ රටබීම අලෙවි කරන්නෝ තමන්ගේ කටයුතු කිසිදු බාධාවකින් තොරව කරගෙන යති.
බලපත් ලාභීන් ලෙස පෙනීසිටින අයගේ බලපත් රහිතව කරන හොරවැඩ පිළිබඳව නොදන්නේ කව්ද? නමුත් ඔවුන්ට ඇති දේශපාලන හයිය නිසා ඕනෑම දෙයක් කිරීමේ හැකියාවක් ඇත.
එසේම විදේශ මත්පැන් සහ අරක්කු හොරට විකිණිම නිසා පැවරෙන නඩු පිළිබඳව හොඳ අවබෝධයක් උසාවියට ගොස් ලබාගත හැක.
මේ සඳහා දිය හැකි හොඳම නිදසුන අපට ලබාදෙන්නේ මීගමුව සුරාබදු ස්ථානයයි.
ඒ අනුව 2019 මුල් අඩවසරේදී බලපත්‍ර රහිතව මත්පැන් අලෙවි කල අය සම්බන්ධව වැටලීම් 13 ක් සිදු කර ඇති අතර බලපත්‍ර නොමැතිව විදේශ මත්පැන් අලෙවිකළ අය පිළිබඳව කළ වැටලීම් 40 කි.
මින් පැහැදිළි වන්නේ මේවා නතර කිරීමට නොහැකි වන සේ හැදුනු යාන්ත්‍රණයක් තිබෙන බවත්, ගම්වල සහ නගරවල සිටින චන්ඩින් , දේශපාලකයින් මෙම ජාවාරම් පිටුපස සිටින නිසා තමන්ට අවශ්‍ය පරිදි මෙම හොර ජාවාරම් කරගෙන යාමට ඔවුන් සමත්වී ඇති බවත්ය.