බස්නාහිර පළාත් සභා මන්ත්‍රි සහ මීගමුව එජාප ආසන සංවිධායක රොයිස් විජිත මහතාගේ මව ජිවිතයෙන් සමුගති.
සිය පුතු නිදහස්ව ඉක්මනින් පැමිණෙතැයි දින ගනිමින් සිටි ඇගේ එකම පැතුම මෙසේ ඉතා දුක්බර ලෙසින් මිලිනව ගියේය.
2014 පෙබරවාරි 22 වනදා සිට සිය පුතුගේ සෙනෙහස ලබන්නට නොහැකිව දුකෙන් පසුව මව බලන්නට සිය පුතු හෙට දිනයේ විනාඩි කිපයක අවසරෙන් සිය නිවසට පැමිණෙනු ඇත.ඒ මීගමුව බන්ධනාගාරයේ සිටය.
85 වියක් ආයු වළදා ජිවිතයෙන් සමුගත් මේරි ට්‍රිසා ක්‍රිස්ටින් මහත්මිගේ අවසන් කටයුතු හෙට සවස් වරුවේ සිදුකිරිමට නියමිතය රොයිස් විජිත මහතාගේ මව පමණක් නොව දේශපාලන හිතුවන් සියල්ලෝ බලා සිටියේ පසුගිය නඩු වාරයේදි ඇප ලබා යළිත් ඔවුන් හා දුක සැප බෙදා ගන්නට ඔහු පැමිණෙතැයි කියාය.එහෙත් අදාල විනිසුරුවරයා නොසිටියෙන් ඒ අස්ථාවද ගිලිහි ගොස් තිබුණි.
දේහය බෝලවලාන කුරණු පිහිටි රොයිස් විජිත මහතාගේ නිවසේ තැන්පත් කර ඇත.
