පසුගිය ජුනි මාසයේ සිට නිවසින් අතුරුදහන්ව සිටි බාලවයස්කාර පාසැල් සිසුවියන් දෙදෙනාව රඳවාගෙන සිටි තරුණයෙක් සැකපිට ගොඩැල්ල ප්‍රදේශයේ උළු මෝලක සිටියදි අද 09 උදැසන අත් අඩංගුවට ගත්බව වෙන්නප්පුව පොලිසිය පවසයි මෙලෙස අත් අඩංගුවට ගෙන ඇත්තේ එම ප්‍රදේශයේම පදිංචි 24 හැවිරිදි පුද්ගලයෙකි එම තරුණයා සමග සිටි බාලවයස්කාර නිවුන් සහෝදරියන්වද පොලිස් භාරයට ගත් බව පොලිසිය කීය ඉකුත් ජුනි මාසයේදි පාසැල් යන බව පවසා නිවසින් පිටත්ව ගිය සිසුවියන් පාසැලට නොපැණිම නිසා තඹරවිල කණිෂ්ඨ විදුහලේ විදුහල්පතිවරයා විසින් කරන ලද පැමිණිල්ලක් මත සිදු කල පරික්ෂණයක් මත මෙම පුද්ගලයාව හා සිසුවියන් දෙදෙනා සොයාගත් බව පොලිසිය පවසයි අවුරුදු 14 වයස්වල පසුවන මේ සිසුවියන් අපයෝජනයකට ලක්ව ඇත්දැයි සොයා බැලිමට මාරවිල මූලික රෝහලට ඇතුල් කල බව පොලිසිය කීය වෙන්නප්පුව සහකාර පොලිස් අධිකාරිතුමාගේ උපදේස් මත මූලස්ථාන ප්‍රධාන පොලිස් පරික්ෂක වසන්ත කුමාර මහතාගේ මගපෙන්වීමෙන් පොලිස් අපරාධ අංශයේ ස්ථානාධිපති පොලිස් පරික්ෂක සමන් දසනායක ළමා කාන්තා කාර්යංශයේ ස්ථානාධිපති උප පොලිස් පරික්ෂිකා මධුභාෂිණි සැරයන් 50397 සරත් 53221 ඊරියගොල්ල යන නිළධාරින් මෙම වැටලීම සිදුකර ඇති අතර සැකකරු අධිකරණයට ඉදිරිපත් කිරිමට නියමිතය
චන්දන ප්‍රනාන්දු