මිගමුව පෙරියමුල්ලේ ශා. අන්තෝනි පාරේ සුරතලයෙකු වෙඩි තබා ඝාතනය කරනු ලබන්නේ වෙසක් පෝ දිනය දවසේදිය.
දැන් චෝදනාව එල්ලව වි ඇත්තේ ඒ පාරේම වෙසෙන විශ්‍රාමික පොලිස් අධිකාරිවරයෙකු වෙතය.
මේ ම්ලේච්ඡ ක්‍රියාවට එරෙහිව දැවැන්ත විරෝධය සමාජ මාධ්‍ය ඔස්සේ පසුගිය දිනවල පලව තිබුණි. නීතියට වෙට්ටු දමන්නට හැදුවද සමාජ මාධ්‍යය වෙට්ටු දාන්නට බැරි නිසා දැවැන්ත අවමනයකට මුහුණ දෙන්නට දැන් මැක්ස්ගේ ඝාතකයාට සිදුව තිබේ.
වෙසක් පෝදා සුරතලෙකු වෙඩි තබා ඝාතනය කළ මේ පුද්ගලයා පසුගිය දිනක මිගමුව පොලිසියට ගොස් පැමිණිල්ලක් කර තිබුනේ සමාජ මාධ්‍ය ඔස්සේ ඔහුව අවමානයට ලක් කරමින් ඇතැයි කියමිනි.
විවිධ සමාජ මාධ්‍ය පිටු ගණනාවක් ඡායා පිටපත් තොගයක්ද රැගෙන ඔහු පොලිසියට ගොස් තිබේ.
එකක් පැහැදිලිය නිතිය කෙසේ වෙතත් සමාජ මාධ්‍යය තුල හෘද සාක්ෂියක් ඇති ගැහැණුන් සහ මිනිසුන්ගෙන් තමන්ට ගැලවිමක් නැති බව මැක්සගේ ඝාතකයා තේරුම් ගෙන ඇති සෙයකි.
වෙසක් පෝදා අහිංසක සුරතලෙකු වෙඩි තබා ඝාතනය කළ අයෙකුට අවමානය හිමිවන්නේ නිතැතිනි.දැන් සිදුවෙමින් ඇත්තේ එයයි .