(11.45 am ) මේක තමයි මංගලගේ සම්පූර්ණ නම. මංගලගේ දේශපාලන ජීවිතේ දිහා මංගල නැතිවෙලා කාලෙකට පස්සේ හැරිලා බැලුවම මංගලගේ දේශපාලනය මංගලගේ නමින්ම පර්ච්ඡේද තුනකට වෙන්කරගන්න පුළුවන්. අපි අග ඉඳලා පටන්ගමු…
මංගලගේ තාත්තා මහානාම සමරවීර… එයා සිරිමාවෝගේ ආණ්ඩුවේ කැබිනට් ඇමතිවරයෙක්. අම්මා ඛේමා සමරවීර. ඇයත් මාතර මහනගර සභාවේ මන්ත්‍රීවරියක්. ඇත්තටම මංගල කියන්නේ එංගලන්තයේ අධ්‍යාපනය ලැබූ ෆැෂන් ඩිසයිනර් කෙකෙන්. එයා ලංකාවට ඇවිල්ලා ටික කාලයක් ෆෑෂන් ඩිසයිනර් කෙනෙක් විදියට වැඩකරලා දේශපාලනයට එනවා. මංගල දේශපාලනයට එනකොට ඒ කව්ද කියලා නාමයෝජනා මණ්ඩලයද කොහෙද අපහු වෙලාවේ (මගේ මතකයට අනුව) සිරිමාවෝ දීල තියන උත්තරය “ඔය ඛේමගේ කොලූනේ” කියලා. ඉතිං මංගලගෙත් දේශපාලනයේ ආරම්භය මංගල විසින්ම දැඩිව විවේචනය කරපු පවුල්උරුමයෙන් තමයි පටන්ගන්නේ. මංගලගේ දේශපාලනයේ පළවෙනි චැප්ටර් එක තමයි “සමරවීර”… ඒ කියන්නේ පවුලේ දේශපාලන පුතා…
1994 චන්ද්‍රිකා රැල්ලත් එක්ක තමයි මංගල කැබිනට්ටුවට ගොඩවෙන්නේ. 89 මුල්වරට පාර්ලිමේන්තු ආපු මංගල 94 චන්ද්‍රිකාගේ ආණ්ඩුවේ කියවෙන නමක් බවට පත්වෙනවා. ඇත්තටම ගත්තොත් මංගල චන්ද්‍රිකාගේ “පින්සිරි” බවට පත්වෙනවා. චන්ද්‍රිකා ආණ්ඩුවේ චන්ද්‍රිකාගේ දකුණු වම් සව්වන් බවට පත්වෙන්නේ මංගල, එස්.බී වගේ අය. පසුකාලීනව දැඩි ලෙස ප්‍රජාතන්ත්‍රවාදය වෙනුවෙන පෙනී හිටපු හඬනගපු මංගලට චන්ද්‍රිකා කෙලපු පිස්සු දිහා “පින්සිරි” කෙනෙක් වගේ බලාගෙන ඉන්න වෙනවා. වයඹ චන්දය, රෑකාන්තලාගේ කොණ්ඩ කපපුවා, බැද්දගානේ සංජීවලා ජනාධිපති ආරක්ෂක අංශයේ හිටපුවා වගේ ඒවාවලදී මංගල අභ්‍යන්තර හඬක් නැගුවද නැද්ද කියලා අපි දන්නෑ. නමුත් දැනුවත් එළිපිට මංගල කළේ ඒවා ආරක්ෂා කරපු එක. මංගලගේ “පින්සිරි” කොටස අවසන් වෙන්නේ 2005 මහින්ද කරළියට ඒම එක්ක. මහින්දට මංගල කියන්නේ මහින්ද අයියා….
මෙන්න මෙතනින් පස්සේ තමයි හරියටම අපි දන්න සහ බොහෝදෙනෙක් ආදරේකළ, ඒ ප්‍රමාණයටම පිරිසක් වෛර කළ “The මංගල” කරළියට එන්නේ. මේ “The මංගල” මේ වෙනකොට සමරවීර – පින්සිරි- මංගල කියන චැප්ටර්ස් තුනම හොඳම එකෙන් පහුකරලා තිබ්බ නිසා තමන්ගේ විසාල අත්දැකීම් කලාපය ලංකාවේ සාමාජීය, දේශපාලනික සාම්ප්‍රදායික ක්‍රමවේදය හොල්ලන්න පාවිච්චි කරනවා. මංගල තමයි මීඩියා තමන්ගේ න්‍යායපත්‍රය ඇතුලේ කරකවන්නේ. ඒක මංගල කලේ බලයෙන් නෙවෙයි.
ට්‍රික්ස් වලින්….
මංගල දේශපාලනයෙනුත්, ජීවතයෙනුත් අයින්වෙලා යනකොට මංගල හදලා ගියපු “The මංගල” කියන කැරැක්ටර් එක මේ දේශපාලන පොළවේ අත්‍යාවශ්‍ය අංගයක් වෙලා ඉවරයි. නරකම දේවල් කෙලින්ම කියන, චූටි හිත් තලන, ටොක්සික්, තමන්ගේ ආණ්ඩුවේ ව්‍යාපෘති වෙනුවෙන් බෙල්ලම තියන, “The මංගල” කියන්නේ දැන් ආණ්ඩුවක අත්‍යවශ්‍යම චරිතයක්….
ඉතිං නලින්දට “The මංගල” චරිතය කරගෙන යන්න අවම අවුරුදු හතරක් තියනවා. ඔය Clean Sri Lanka, නීතියේ ආධිපත්‍ය, රාජ්‍ය ආයතන පුනරුත්ථාපනය, ඉදිරි ආර්ථික ප්‍රතිසංස්කරණ වගේ ඒවා ආණ්ඩුව හරියටම කරන්න හිතාගෙන ඉන්නවානං ඒ වෙනුවෙන් අත්‍යවශ්‍යම චරිතය තමයි “The මංගල”. හේතුව රිදෙන ඇත්ත දෙකට නැවෙන්නේ නැතුව කෙලින්ම කියන්න පුළුවන් එකෙක් තමයි
ආණ්ඩුවකට අත්‍යවශ්‍යම….
මේ ආණ්ඩුව තවම හරියටම ආණ්ඩුවක් වෙලා නෑ…. වෙන ගමන් ඉන්නේ. තවම ඉන්න ගමන් ඇඳුම එහෙම තෙමාගන්නවා. ඒක කමක් නෑ ඉතිං… මුලනේ…. ඉතිං නලින්දත් තාම “The මංගල” වෙලා නෑ… වෙන ගමන් ඉන්නේ….
ලේසියට රිවස් කළාම සොමිය මොනවගේද කියලා දැනගන්න අවශ්‍යනං පළවෙනි එක රිවස් කරන්න කලිං 2019 – 2022 දිහා ආපහු හැරලා බලන්න….