මව්බිමේ පාස්කු ඉරුදින සිදු වූ ඛෙදවාචකය සැමරූ මෙස්සිනා ශ්‍රී ලාංකීකයින්

අන්තවාදී ත්‍රස්තයින් විසින් පසුගිය 21 දින ලොවම කම්පා කරමින් දේවස්ථාන හා සංචාරක හෝටල් මූලික කරගෙන මරාගෙන මැරෙන බෝම්බ පිපිරවීම් කිහිපයක් ශ්‍රී ලංකාවේ සිදුවිය. එම සිදුවීම් හේතුවෙන් අහිමි වූ ජිවිත හා විපතට පත් වූවන් සිහි කරමින් අප්‍රියල් මස 28 වන ඉරුදින සවස 9 ට මෙස්සිනා ශාන්ත එලියා දේවස්ථානයේ විශේෂ වූ දේව මෙහෙයක් සිදු කෙරිනි. මෙම දේව මෙහෙය  මෙස්සිනා නගරය භාරව සිටින රදගුරු ජොවන්නී ලාකොල්ලා පියතුමාගේ මූලිකත්වයෙන් සිදු කෙරිනි.මේ සදහා මෙස්සිනා නගරයේ ශ්‍රී ලංකා බෞද්ධ විහාර වල වෙසෙන සංඝයාවහන්සේලා ද   නගරයේ මුස්ලීම් ප්‍රජාව නියෝජනය කරමින් පිරිසක්ද මේ අවස්ථාවට සහභාගී වී සිටියහ. මෙම අවස්ථාව මෙස්සීනා නගරයේ සංක්‍රමණිකයින් වෙනුවෙන් පෙනී සිටින සන්තීනො තොරනේසී මහතා හා මෙස්සිනා සාන්ත එලියා කිතුනු සංගය එක්ව සංවිධානය කර තිබිනි.
දිල්ශාන් ක්‍රිෂාන්ත -මෙස්සිනා