මාරිස්ට් සහෝදරතුමන්ලා විසින් මීගමුවට දායද කළ මාරිස්ටෙලා විදුහලේ ශත සංවත්සරය 2022ට යෙදි තිබේ.මේ වෙනුවෙන් දැනටමත් සැමරුම් වැඩසටහන් රැසක් පෙළගැසෙමින් තිබේ.ඒ අතර මාරිස්ටෙලා ආදි සිසු සංගමය සිය විදුහල වෙනුවෙන් ඉටුකළ හැකි අගනාම මෙහෙවරකට මුල පුරා තිබේ.ඒ විදුහලට පමණක් නොව මුළු මීගමුවටම විශාල අඩුපාඩුවක්ව පැවැති ජාත්‍යන්තර ප්‍රමිතින්ට අනුව යන පිහිනුම් තටාකයක් ඉදිකිරිම සදහා මූලිකත්වය ගෙන තිබිමය.එහි බරපැන ප්‍රශ්ණය විසදාගැනිම සදහා දිවයිනේ ජනප්‍රියතම සංගීත වැඩසටහනක් වන භාතිය සන්තුස්ගේ “ඔබ නිසා” ගී ප්‍රසංගය පෙබරවාරි මාසයේදි සංවිධානය කිරිමට කටයුතු යොදා තිබේ.මේ වෙනුවෙන් පැවැති විශේෂ මාධ්‍ය හමුවට මාරිස්ටෙලා විදුහලේ විදුහල්පති සහෝදරතුමන් ඇතුළු විදුහලේ ආදි ශිෂ්‍ය සංගමයේ ප්‍රධාන නිළ මඩුල්ලද එක්ව තිබුණි.මෙම මාධ්‍ය හමුව ඊයේ රාත්‍රි 7.30ට මාරිස්ටෙලා ආදි සිසුන්ගේ කාර්යාල ශ්රවණාගාරයේදි පැවැත්විණි.